Säämi párnáikulttuurkuávdáš Mánnu
Säämi párnáikulttuurkuávdáš Mánnu toimâškuođij ive 2004. Mánnu viggá toimâinis nanodiđ säminuorâi kulttuuridentiteet, lasettiđ sämmilii ärbivuáválii tiäđu já tááiđu áárvust anneem, oppâm já vuorkkim sehe toohâđ máhđulâžžân suhâpuolvâi koskâsijd siärvuslijd toimâvuovijd.
Säämi párnáikulttuurkuávdáš Mánnu oovtâstpargokyeimin tuáimih škoovlah, peivikiäjuh já kielâpiervâleh, moi peht juksoo čuosâttâhjuávkku ađai sämikuávlu vuálá 18-ihásiih sämipárnááh já nuorah vijđáht. Keevâtlávt Mánnu uárnee sämikulttuur já sämikielâ nannee tooimâ škovláid, peivikiäjoid já kielâpiervâláid. Mánnu uásálist meid sämitábáhtusâi orniistâlmáid ovdâmerkkân pyevtitmáin ohjelmsiskáldâsâid párnáid já nuoráid.
Sämmilâš párnáikulttuur vuáđuduvá siärvuslâšvuotân, njálmálii ärbitiäđu peht oppâmân sehe kulttuur, taiđuu já sämityeje oppâmân. Párnáikulttuurtoimâ lii sämmilii materiaallii já immateriaallii kulttuur ovdedem.
Säämi párnáikulttuurkuávdáá tooimâ ruttâd máttááttâs- já kulttuurministeriö oovtâst sämikuávlu kieldâiguin já Sämitiggijn.
Mánnu ulmen lii
- pyehtiđ nuorâ sämitaiđârijd uáinusân tooimâ peht
- adeliđ párnáid já nuoráid máhđulâšvuođâid oppâđ sämmilijd ärbitiäđuid já -tááiđuid
- lääččiđ párnáid luándulijd tiilijd kevttiđ sämikielâ
- lasettiđ tiäđu eres algâaalmugijn
- faallâđ párnáid máhđulâšvuođâid jieijâs persovnlâšvuođâ maaŋgâpiälálii oovdedmân
- stivriđ já ruokâsmittiđ párnáid já nuorâid kreatiivlii jieijâs olgospyehtimân
- ovdediđ kulttuur- já taaiđâšoddâdem sämikuávlust
- turviđ sämipárnái já -nuorâi pyereestvaijeem
- estiđ olgoštum
- ovdediđ oovtâstpargo páihálij já kuávlulij tuáimei kooskâ
Äigikyevdil
Petra Biret Magga-Vars
Guhtora Biera Jovnna Mauri PetraBiret
Heaikká Iŋger-Ánne Iŋggá Biret-Ánne PetraBiret
Toimâjođetteijee, Säämi párnáikulttuurkuávdáš
040 732 5503 / 010 839 3110
petra.magga@samediggi.fi
