Sääʹm päärnaikulttuurkõõskõs Mánnu
Sääʹm päärnaikulttuurkõõskõs Mánnu lij alttääm tuåimmjummšes eeʹjj 2004. Mánnu pârgg tuåimmjummšiʹnes nââneed sääʹmnuõri kulttuuridentiteeʹtt, lââʹzzted sääʹm ääʹrbvuâlaž teâđ da tääid äärvast âânnmõõžž, tõi mättjummuž da ruõkkmõõžž, vueiʹtlvâʹstted sokkpuõlvvõõǥǥi kõskksaž õhttsallaš tuåimmjem-maallid.
Õhttsažtuâjjkueiʹmmen tuåimmje škooul, peiʹvvpõõrt da ǩiõllpieʹzz, kooi pääiʹǩ täävtõsjoukk leʹbe sääʹmvuuʹd vuâlla 18-âkksaž sääʹmpäärnaid da -nuõrid tääʹvtet veiddsânji. Nääʹlest Mánnu reäšš sääʹmkulttuur- da sääʹmǩiõl nââneei tuåimmjummuž škooulid, peiʹvvpõõrtid da ǩiõllpieʹzzid. Sääʹm päärnaikulttuurkõõskõs vuässââtt vueiʹttmes mieʹldd še sääʹmšõddmõõžži riâššmõõžžid ouddmiârkkân puuʹtʼteeʹl programmsiiskõõzzid päärnaid da nuõrid.
Sääʹm päärnaikulttuur vuâđđââvv õhttsallašvuõʹtte, njäälmlaž äʹrbbteâđ čõõđ mättjummša, kulttuur, čeäʹppõõzz da ǩiõtt-tuâjai jiõccses väʹlddma. Päärnaikulttuur -tuåimmjummuš lij sääʹm aunnsallaš da aunnsateʹmes kulttuur ooudummuž.
Sääʹm päärnaikulttuurkõõskõs -tuåimmjummuž teäggte mättʼtõs- da kulttuurministeria õõutsââʹjest sääʹmvuuʹd kooʹddivuiʹm da sääʹmtiiʹǧǧin.
Mánnu täävtõssân lij
- puʹhtted nuõr sääʹmčeäppniiʹǩǩid kueʹsttma tuåimmjummuž pääiʹǩ
- uʹvdded päärnaid da nuõrid vueiʹttemvuõđid väʹldded jiõccses sääʹm äʹrbbvuõtt-teâđaid da -tääidaid
- raajjâd päärnaid luâđlaž sääʹmǩiõl ââʹnnemvuõʹjjid
- lââʹzzted teâđ jeeʹres alggmeerai pirr
- taʹrjjeed päärnaid vueiʹttemvuõđid persoonʼnallšemvuõđ määŋgpeällsaž ooudâsviikkma
- ohjjeed da smeʹllkâʹtted päärnaid da nuõrid kreevsõs jiõččõõlmtõʹsse
- ooudâsviikkâd kulttuur- da čeäʹppõs-šõddummuž sääʹmvuuʹdest
- staanad sääʹmpäärnai da -nuõri pueʹrrjieʹllem
- cõggâd čårrnummuž
- oouʹdeed õhttsažtuâj pääiklaž da vooudlaž tuåimmjeeʹji kõõskâst
Ajankohtaista
Petra Biret Magga-Vars
Guhtora Biera Jovnna Mauri PetraBiret
Heaikká Iŋger-Ánne Iŋggá Biret-Ánne PetraBiret
Tuåimmohjjeei, Sääʹm päärnaikulttuurkõõskõs
040 732 5503 / 010 839 3110
petra.magga@samediggi.fi
