Säʹmmla liâ Euroopp unioon vuuʹd oʹdinak alggmeer. Säʹmmlai alggmeersââʹjj lij juʹn raavuum Lääʹdd vuâđđlääʹjjest. Nuʹt 6 proseeʹnt veeʹzz maaiʹlm naroodâst leʹbe 476 miljoon oummu koʹlle alggmeeraid. Alggmeer jeäʹlle 90 jeeʹres riikk vuuʹdest.
Čuäʹjet pukSääʹmteeʹǧǧ 21 vuäzzliʹžžed da nellj väärrvuäzzla vaʹlljeet säʹmmlai kõõskâst juõʹǩǩ neelljad eeʹjj tueiʹmmepijjum vaalin. Sääʹmteeʹǧǧ sååbbar eeʹttkâstt Sääʹmteeʹǧǧ pââimõs mieʹrreemvääʹld.
Čuäʹjet pukSääʹmteeʹǧǧest reâuggap juõʹǩǩka õuʹdde sääʹm meerast, što sääʹmǩiõlin da kulttuurâst leʹčči jieʹllemsââʹjj še puäʹđlvest.
Čuäʹjet pukSääʹmteʹǧǧ mušttal tååimees pirr mediaaʹje da jeärrsid jeäʹrbi mieʹldd teâđtõõzzivuiʹm. Tiʹlle Sääʹmteeʹǧǧ teâđtõõzzid jiijjad neʹttpååšta.
Čuäʹjet pukSääʹmteeʹǧǧ luʹvddkååʹdd liâ äʹšštobddiorgaan, kook valmštâʹlle da oouʹdee jiijjâz tåimmsueʹrjes aaʹššid Sääʹmteeʹǧǧ tuʹmmstõktuâj tuäʹrjjen. Luʹvddkååʹdd tåimma Sääʹmteeʹǧǧ halltõõzz vuâllsažvuõđâst, da tõi tuâjjan lij puʹhtted tuʹmmstõktuõjju ääʹšštobddmõõžž di raaveed sääʹmǩiõli, kulttuur da jiõččvaaldâšm õõudldõõzzid. Tän seeidast kaaunak teâđaid Sääʹmteeʹǧǧ luʹvddkooʹddin, tõi norrõõzzin da tuâjain.
