Luʹvddkååʹdd
Sääʹmteeʹǧǧ sååbbar šiõttad vaalpââʹj ääiǥas nellj luʹvddkååʹdd; jieʹllemvueʹǩǩ- da vuõiggâdvuõttluʹvddkååʹdd, škooultõs- da mättmateriaal-luʹvddkååʹdd, kulttuurluʹvddkååʹdd di sosiaal- da tiõrvâsvuõttluʹvddkååʹdd. Lââʹssen Sääʹmteeʹǧǧ sååbbar šiõttad vaalpââʹj ääiǥas nuõrisuåvtõõzz, sääʹm ǩiõllsuåvtõõzz di vaal-luʹvddkååʹdd. Vaal-luʹvddkååʹdd toiʹmmjempââʹjj lij jeeʹres luʹvddkooʹddi vuäʹnkab.
- Luʹvddkååʹdd tuåimmje halltõõzz vuâllsiʹžžen valmštõõleeʹl jiiʹjjes tuåimmvoudda kuulli aaʹššid da tuejjeeʹl tuʹmmstõõǥǥid jiiʹjjes suârgga kuulli vaaʹri jueʹǩǩmest da ââʹnnmest.
- Luʹvddkooʹddi saaǥǥjååʹđteei da väärrsaaǥǥjååʹđteei âʹlǧǧe leeʹd Sääʹmteeʹǧǧ väʹlddveârlaž vuäzzla. Sij lââʹssen juõʹǩǩ luʹvddkådda koʹlle vitt jeeʹres vuäzzla da juõʹǩǩʼkiʹžže jiiʹjjes väärrvuäzzlaž.
- Luʹvddkååʹdd âʹlǧǧe eeʹttkâʹstted nuʹtt puârast ko vueiʹtlvaž Lääʹddjânnam säʹmmlai ǩiõlʼlaž da vooudlaž jooukid da šiõǥǥ äʹšštobddmõõžž tuåimmvuuʹdstes. Luʹvddkooʹddi tuâjain lij mieʹrruum Sääʹmteeʹǧǧ tuâjjriâššmõõžžâst.
