Sääʹmteeʹǧǧ tuʹtǩǩeemeettlaž suåvtõs
Sääʹmteeʹǧǧ tuʹtǩǩeemeettlaž suåvtõs koordinâstt da oouʹdad tuʹtǩǩummuž kuõskki eettlaž vuäppõõzzi lokku välddmõõžž da juâkk tõʹst teâđaid. Suåvtõs tuʹmmai säʹmmlai õhttsallaž ouddmiâsttmõõžž miõttmõõžžâst tuʹtǩǩummšid da jeeʹres sääʹmkulttuuʹre da äʹrbbvuõđlaž tiõttu vaaikteei tååimaid di valmštââll ouddmiâsttâm-mõõntõõllmõõžž ooudâsviikkmõõžž.
- Tiiʹǧǧi sååbbar vaʹlljad Sääʹmteeʹǧǧ tuʹtǩǩeemeettliʹžže suåvtõʹsse teeʹǧǧ vaalpââjas vuârast saaǥǥjååʹđteeʹj, väärrsaaǥǥjååʹđteeʹj da koumm jeeʹres vuäzzla di juâkkseʹžže jiõčč-i väärrneeʹǩǩ.
- Saaǥǥjååʹđteeʹj da väärrsaaǥǥjååʹđteeʹj âʹlǧǧe leeʹd teeʹǧǧ veärlaž vuäzzla.
- Suåvtõõzz âlgg eeʹttkâʹstted vueiʹtlva puârast Lääʹddjânnam säʹmmlai ǩiõlʼlaž da vooudlaž jooukid di pueʹrr ääʹšštobddmõõžž tåimmsuõʹrjes mieʹldd.
Sääʹmteeʹǧǧ tuʹtǩǩeemeettliʹžže suåvtõʹsse kuulli vuäzzla da väärrvuäzzla
Vuäzzla
Pirita Näkkäläjärvi, saaǥǥjååʹđteei
Tauno Ljetoff, väärrsaaǥǥjååʹđteei
Heidi Eriksen
Inka Musta
Tuula-Maija Magga-Hetta
Väärrvuäzzla
Janne Hirvasvuopio
Tuomas Aslak Juuso
Leena Niittyvuopio-Jämsä
Marjaana Aikio
Nilla Tapiola
Tuâjaid koʹlle
- koordinâʹstted da oouʹdeed Sääʹmteeʹǧǧ tuʹtǩǩummuž kuõskki eettlaž vuäppõõzzi tiuʹddepiijjmõõžž da lokku välddmõõžž veʹrǧǧniiʹǩǩi da tuʹtǩǩeemstroiʹttli tåimmjummšest da tuʹmmstõktuâjast di jueʹǩǩed teâđaid sääʹmteeʹǧǧ tuʹtǩǩeemeettlaž vuäppõõzzi tiuʹddepiijjmõššân,
- tuʹmmjed säʹmmlai õhttsallaž ouddmiâsttmõõžži miõttmõõžžâst tuʹtǩǩummšid da jeeʹres tååimaid, kook kueʹsǩǩe leʹbe koin vueiʹtte leeʹd vaaiktõõzz sääʹmkulttuuʹre da äʹrbbvuõđlaž tiõttu Sääʹmteeʹǧǧ raavummuš tuʹtǩǩeemeettlaž vuäppõõzzi vuâđald,
- valmštõõllâd eʹtǩǩõs ouddmiâsttmõõžži miõttmõõžž kuõskkjen puõʹtti mõõntõõllmõššân.Sääʹmteeʹǧǧ tuʹtǩǩeemeettlaž suåvtõõzz kuõskki tuâjjriâššmõõžž paragraaff liâ viõǥǥâst mieʹrrääiʹj 31.12.2027 räjja (Sääʹmteeʹǧǧ sååbbar 14.4.2026).
