Sämitige tutkâmeettisâš rääđi
Sämitige tutkâmeettisâš rääđi koordinist já oovded tutkâmân kyeskee eettisij ravvui vuotân väldim ja juáhá tiäđu tast. Rääđi meerrid sämmilij siärvuslij munemietâmâšâi mieđeetmist tutkâmuššáid já eres toimáid, moh vaigutteh sämikulttuurân já ärbivuáválii tiätun, sehe valmâštâl munemietâmâšmonâttâllâm ovdedem.
- Sämitige čuákkim väljee Sämitige tutkâmeettisii rááđán tige valjâpajan häävild saavâjođetteijee, värisaavâjođetteijee já kulmâ eres jeessân sehe juáhážân persovnlii värijeessân.
- Saavâjođetteijee já värisaavâjođetteijee kolgâv leđe tige eidusiih jesâneh.
- Rääđi kalga ovdâstiđ Suomâ sämmilij kielâlijd já kuávlulijd juávhuid nuuvt pyereest, ko máhđulâš já šiev äššitubdâmuš jieijâs toimâsyergist.
Pargoid kuleh
- koordinistiđ já ovdediđ Sämitige tutkâmân kyeskee eettisij ravvui olášuttem já vuotân väldim virgeomâhái já tutkâmlájádâsâi tooimâst já miärádâstohâmist sehe jyehiđ tiäđu Sämitige tutkâmeettisij ravvui olášuttem várás,
- meridiđ sämmilij siärvuslij munemietâmâšâi mieđeetmist tutkâmuššáid já eres toimáid, moh kyeskih tâi main puáhtá leđe vaikuttâs sämikulttuurân já ärbivuáválii tiätun Sämitige nonnim tutkâmeettisij ravvui vuáđuld.
- valmâštâllâđ iävtuttâs munemietâmâšâi mieđeetmân kyeskee puáttee monâttâlmân.Sämitige tutkâmeettisii rááđán kyeskee pargo-oornig ceehih láá vyeimist meriääigi 31.12.2027 räi (Sämitige čuákkim 14.4.2026).
