Škovlim já oppâmateriaallävdikodde

Škovlim já oppâmateriaallävdikodde lii sämitige škovlimpoolitlâš sehe sämikielâlii peivikiäčun lohtâseijei iävtuttâsâi, algui, ciälkkámušâi já peleväldimij valmâštellee orgaan. Lävdikodde västid meiddei sämikielâlii oppâamnâstuv vuáváámist, rähtimist já jyehimist.

  • Lävdikodeh tuáimih stiivrâ vuálásâžžân, valmâšteleh toimâsuárgásis kullee aašijd já taheh miärádâsâid suárgásis kullee vaarij jyehimist já kevttimist.
  • Lävdikudij saavâjođetteijeeh já värisaavâjođetteijeeh kalgeh leđe sämitige eidusâš jesâneh. Sii lasseen jyehi lävdikoodán kuleh vittâ eres jeessân sehe juáhážân persovnkuáhtásâš värijeessân.
  • Lävdikodeh kalgeh ovdâstiđ nuuvt pyereest ko máhđulâš Suomâ sämmilij kielâlâš já kuávlulâš juávhuid sehe šiev äššitubdâmuš toimâsyergistis. Lävdikudij pargoin lii meridum sämitige pargo-oornigist.

Lävdikoodán toimâpaajeest 2024–2027 kuleh jesâneh já värijesâneh:

Jesâneh

Nilla Tapiola, saavâjođetteijee
Ulla-Maarit Magga, värisaavâjođetteijee
Mathis Ole Vars
Anna-Katariina Feodoroff
Iiris Kangas
Marjaana Aikio
Laura Niittyvuopio-Valle

Värijesâneh

Markku Porsanger
Laura Kotavuopio
Milla Pulska
Maarit Kiprianoff
Henna Aikio
Kari Torikka
Nilla Pieski 

Pargoid kuleh:

  • Škovlim- já oppâmateriaallävdikode pargon lii stiivrâ vuálásâžžân
  • valmâštâllâđ valjâpajan sämmilii škovlimpooliitlii toimâ- já ovdedemohjelm njunošulmijguin,
  • valmâštâllâđ taid Sämitige iävtuttâsâid, alguid, ciälkkámušâid já eres uáivilalmottâsâid, moh kyeskih sämmilij škovliimân puoh taasijn,
  • ovdediđ sämiuáppei vuoigâdvuođâid jieijâs kielâ já jieijâskielâlâš máttááttâsân sehe sämimáttááttâs sajaduv Suomâ škovlâvuáháduvâst,
  • ovdediđ sämmilij máttááttâsân lohtâseijee tave-eennâmlii sämioovtâstpargo,
  • porgâđ oovtâstpargo sämmilij škovlimaašijd hoittájeijee aalmuglij já aalmugijkoskâsij ornijdumijguin já toimâorgaanijguin,
  • jyehiđ tiäđu sämmilij škovlim- já oppâmateriaalaašijn,
  • meridiđ ovdiibeln 4 § 9 saajeest uáivildum sämmilii oppâmateriaalmeriruuđâ kiävtust tuhhitmáin toos kyeskee kevttimvuávám (jyehi-ivvááš oppâmateriaalij pyevtittemvuávám),
  • čuávvuđ já kocceeđ sämmilii oppâmateriaalmeriruuđâ kevttim,
  • rähtiđ Sämitige stiivrâ jyehi ive čielgiittâs sämmilii oppâmateriaalmeriruuđâ kiävtust,
  • rähtiđ Sämitige čuákkimân iävtuttâs jyehi-ivvááš sämmilii oppâmateriaalmeriruuđâst,
  • toohâđ Sämitige čuákkimân iävtuttâs ovdiibeln 4 § 14 saajeest uáivildum kuhheeb áigáduv vuáváámin sämikielâlii oppâmateriaal pyevtitmist,
  • hoittáđ eres pargoid, moh lohtâseh sämmilii oppâmateriaalmeriruuđâ kiävtun já -pyevtitmân
  • hoittáđ jieijâs toimâsyergi eres pargoid,
  • rähtiđ Sämitige čuákkimân ohtii valjâpaje ääigi tiäđáttâs sämikielâlii sehe sämikielâ já -kulttuur máttááttâs tile já škovlimpooliitlii sajattuv ovdánmist.