Aalmugijkoskâsij algâaalmug- já EU-aašij lävdikodde

Aalmugijkoskâsij algâaalmug- já EU-aašij lävdikodde tuáimá Sämitige stiivrâ vuálásâžžân já västid sämmilij aalmugijkoskâsij já EU-aašij valmâštâlmist já oovdedmist. Lävdikodde valmâštâl iävtuttâsâid, ciälkkámušâid já uáivilalmottâsâid sämmilij riehtisajattuvâst sehe oovded aalmugijkoskâsij sopâmušâi olášuttem, oovtâstpargo aalmugijkoskâsij toimâorgaanijguin já sämmilij uásálâšvuođâ EU miärádâstohâmist.

  • Sämitige čuákkim väljee aalmugijkoskâsij algâaalmug- já EU-aašij lävdikoodán tige valjâpajan häävild saavâjođetteijee, värisaavâjođetteijee já enâmustáá vittâ eres jeessân sehe juáhážân persovnlii värijeessân.
  • Saavâjođetteijee já värisaavâjođetteijee kolgâv leđe tige eidusiih jesâneh.
  • Lävdikodde kalga ovdâstiđ nuuvt pyereest ko máhđulâš Suomâ sämmilij kielâlijd já kuávlulijd juávhuid sehe šiev äššitubdâmuš jieijâs toimâsyergist.

Lävdikoodán kuleh jesâneh já värijesâneh:

Jesâneh

 

Janne Hirvasvuopio, saavâjođetteijee

Inka Musta, värisaavâjođetteijee

Enni Similä

Aslak Holmberg

Alisa Katajamaa

Sárá-Márjá Keskitalo

Joni Gauriloff

Värijesâneh

 

Helmi Ljetoff

Anni-Sofia Löf

Tuomas Aslak Juuso

Rosa-Máren Juuso

Jon-Erik Näkkäläjärvi

Tiia-Káren Alakorva

Vesa Orassalo

Pargoid kuleh

  • táárbu mield valmâštâllâđ já olášuttiđ Sämitige aalmugijkoskâsij- já EU-aašij strategia njunošulmijguin,
  • koordinistiđ já ovdediđ Sämitige aalmugijkoskâsii tooimâ Sämitige saavâjođetteijee jođettâsâst,
  • valmâštâllâđ iävtuttâsâid, alguid, ciälkkámušâid já eres uáivilalmottâsâid, moh kyeskih sämmilij riehtisajattâhân aalmugijkoskâsij olmoošvuoigâdvuotâsopâmušâi já algâaalmugvuoigâdvuođáid kyeskee sopâmušâi uáinust já vuálásâžžân,
  • porgâđ oovtâstpargo sämmilij riehtisajattuv já aalmugijkoskâsij- já EU-aašij ooleest aalmugijkoskâsij ornijdumijguin já toimâorgaanijguin.
  • ovdediđ sämmilij riehtisajattâhân lohtâseijee aalmugijkoskâsij sopâmušâi olášuttem, heiviittem já ovdedem,
  • ovdediđ sämmilij uásálâšvuođâ ovdedem EU toimâorgaanij miärádâstohâmist,
  • visásmittiđ sämmilij vuoigâdvuođâi vuotân väldim já toi ovdedem já olášume EU toimâorgaanij miärádâsâin,
  • hoittáđ jieijâs toimâsyergi eres pargoid.