Álbmogiidgaskasaš eamiálbmot- ja EU-áššiid lávdegoddi

Álbmogiidgaskasaš eamiálbmot- ja EU-áššiid lávdegoddi doaibmá Sámedikki stivrra vuolde ja vástida sámiid álbmogiidgaskasaš- ja EU-áššiid válmmaštallamis ja ovddideamis. Lávdegoddi válmmaštallá evttohusaid, cealkámušaid ja bealiváldimiid sámiid riektedili birra ja ovddida álbmogiidgaskasaš soahpamušaid ollašuhttima, ovttasbarggu álbmogiidgaskasaš doaibmaorgánaiguin ja sámiid oassálastinvejolašvuođa EU mearrádusbargamis.

  • Sámedikki čoahkkin vállje álbmogiidgaskasaš eamiálbmot- ja EU-áššiid lávdegoddái Sámedikki válgabadjái hávil ságadoalli, várreságadoalli ja vihtta eará lahtu ja maid juohke oktii persovnnalaš várrelahtu.
  • Ságadoalli ja várreságadoalli galgaba leat Sámedikki fásta lahtut.
  • Lávdegoddi galgá ovddastit Suoma sámiid giella- ja guovllujoavkkuid nu bures go vejolaš ja buori áššedovdamuša doaibmasuorggistis.

Bargguide gullet

  • dárbbu mielde válmmaštallat ja ollašuhttit Sámedikki álbmogiidgaskasaš- ja EU-áššiid strategiija njunušmihttomeriiguin,
  • koordineret ja ovddidit Sámedikki álbmogiidgaskasaš doaimma Sámedikki ságadoalli jođihemiin,
  • válmmaštallat evttohusaid, álgagiid, cealkámušaid ja eará bealiváldimiid, mat gusket sámiid riektedili álbmogiidgaskasaš olmmošvuoigatvuohtasoahpamušaid ja eamiálbmotvuoigatvuođaid guoski soahpamušaid oaidninčiegas ja vuolde,
  • bargat ovttasbarggu sámiid riektedillái, álbmogiidgaskasaš- ja EU-áššiide gullevaš álbmogiidgaskasaš organisašuvnnaiguin ja doaibmaorgánaiguin,
  • ovddidit sámiid riektedillái gullevaš álbmotrievttálaš soahpamušaid ollašuhttima, heiveheami ja ovdánahttima,
  • ovddidit sámiid oassálastinvejolašvuođa buorideami EU doaibmaorgánaid mearrádusbargamis,
  • sihkkarastit sámiid vuoigatvuođaid vuhtiiváldima ja daid ovddideami ja ollašuhttima EU doaibmaorgánaid mearrádusain,
  • dikšut doaibmasuorgásis gullevaš eará bargguid.