Kulturlávdegoddi

Kulturlávdegoddi lea sámedikki stivrra vuollásaš doaibmaorgána, mii válmmaštallá sámedikki evttohusaid, álgagiid sihke cealkámušaid, mat gusket sámiid ávnnahis kultuvrra. Kulturlávdegotti bargun lea mearridit stáhtadoarjaga (sámi kulturmearreruhta) juohkimis sihke čuovvut ja gohcit mieđihuvvon doarjagiid geavaheami. Lávdegoddi galgá ráhkadit jahkásaččat sámedikki čoahkkimii čilgehusa sámi kulturmearreruđa geavaheamis ja ráhkadit evttohusa stáhta bušehttii jahkásaš sámi kulturmearreruđas.