Skuvlen- ja oahppamateriálalávdegoddi
Skuvlen- ja oahppamateriálalávdegoddi lea sámedikki skuvlenpolitihkalaš ja sámegielat árrabajásgeassimii gullevaš evttohusaid, álgagiid, cealkámušaid ja bealiváldimiid válmmaštalli orgána. Lávdegotti mearrida maiddái oahppamateriálabarggu plánemis ja bušeahtas.
Lávdegoddái doaibmabajis 2024–2027 gullet lahtut:
Lahtut
Anni Koivisto, ságadoalli
Pigga Keskitalo, várreságadoalli
Mathis Ole Vars
Tuomas Kiprianoff
Iiris Kangas
Sámmol Lukkari
Laura Niittyvuopio-Valle
Várrelahtut
Markku Porsanger
Laura Kotavuopio
Milla Pulska
Maarit Kiprianoff
Henna Aikio
Kari Torikka
Nilla Pieski
Bargguide gullet:
- Lávdegotti bargun lea ovddidit sámeoahppiid vuoigatvuođaid iežaset giela ja iežasgielat oahpahussii ja maiddái ovddidit sámeoahpahusa sajádaga Suoma skuvlenortnegis.
- Dat bargá sámeoahpahussii gullevaš guovlluguovdasaš, álbmotlaš ja davviriikkalaš ovttasbarggu.
- Lávdegoddi mearrida stáhta bušeahtas (váldoluohkká 29, oahpahusministeriija) sámegielat oahppamateriála ja sámeoahpahusa ovddideapmái dárkkuhuvvon stáhtadoarjaga geavaheamis.
- Dat válmmaštallá sámedikki čoahkkimii oahppamateriálabuvttadeami jahkásaš ja guhkit áigge plánaid ja addá jahkásaččat sámedikki čoahkkimii ja oahpahusráđđehussii čilgehusa oahppamateriáladilis ja stáhtadoarjaga geavaheamis.
- Lávdegoddi válmmaštallá oktii válgabajis skuvlenpolitihkalaš dieđáhusa Sámedikki čoahkkimii.
Lávdegoddi vástida lassin Sámenuoraid dáiddadáhpáhusas, mii lea jahkásaččat ovttasbarggus sámiid ruovttuguovllu gielddaiguin ja sámeservviiguin ordnejuvvon mánáid ja nuoraid dáidda- ja kulturdáhpáhus.
Lávdegotti gieđahallan áššiid válmmaštallá ja ollašuhttá skuvlen- ja oahppamateriáladoaimmahat. Lávdegotti áššemeannudeaddjin doibmet skuvlenčálli (skuvlenpolitihkalaš ja árrabajásgeassináššit) ja oahppamateriálačálli (oahppamateriálaáššit).
