Anárašáššiid ráđđádallangoddi
Anáraččaid áššiid vuogálaš gieđahallama várás doaibmá Sámedikki oktavuođas áššedovdi-, ovttasbargo- ja ráđđádallanorgána. Ráđđádallangotti dárkkuhussan lea ráđđeaddi orgánan ovddidit anáraččaid áššiid ja sajádaga.
Ráđđádallangotti lahtut 2020-2023
Leo Aikio, ságajođiheaddji
Aslak Pekkala, várreságajođiheaddji
Asko Länsman
Inka Kangasniemi
Anu Avaskari
Anni Koivisto
Ráđđádallangotti doaimmat
- Addá cealkámušaid Sámedikki stivrii ja lávdegottiide áššiin, mat gusket anáraččaid.
- Čuovvu anáraččaid guoskevaš áššiid ovdáneami.
- Doaibmá áššedovdin áššiin, mat gusket anáraččaid.
- Dahká evttohusaid anáraččaid guoskevaš gažaldagain.
- Sámediggi dahje Sámedikki stivra sáhttá mearrádusainis čujuhit maiddái eará, erenomážit anáraččaid guoskevaš doaimma ráđđádallangoddái dikšunláhkái.
Lahtuid válljen
Sámedikki čoahkkin ásaha ráđđádallangotti iežas doaibmabaji vástideaddji áigái. Ráđđádallangottis leat guhtta anáraš lahtu. Lahtut válljejuvvojit Sámedikki lahtuin. Jos Sámedikkis eai leat anáraš lahtut, vállje Sámediggi ráđđádallangotti lahtuid Sámedikki olggobealde.
