Media

Sámedikki čoahkkin čoahkkana dábálaččat Sámekulturguovddáš Sajosis Anáris. Čoahkkimat leat almmolačča ja daid sáhttá čuovvut báikki alde parlameantasáles dahje Zoom webinára bokte. Parlameantasáles tulkonrusttegat leat guldaleaddjiid anus. Njuolggosáddagis lea maid vejolašvuohta guldalit dulkoma.

Dan lassin maiddái sierranas dáhpáhusaid sáhttá čuovvut streama bokte.

Čuovo čoahkkima

Sámedikki Flickr-konttus gávnnat govaid ee. Sámedikki doaibmamis, lahtuin ja dáhpáhuvvamiin. Govaid sáhttá geavahit diehtosirdima bálvaleaddji dárkkuhusaide buriid dábiid čuovvumiin. Amma merket gova gáldu ja govvejeaddji nama, jos govvejeaddji lea máinnašuvvon.

Govat

Sámedikki govaid oažžu geavahit ođđasiid ja eará dieđihandoaimmaid bálvaleaddji dárkkuhusain. Govaid geavaheapmi lea nuvttá. Sámedikki govaid ii oaččo geavahit máinnusteapmái ja márkanastimii. Seamma láhkai gildojuvvon lea daid geavaheapmi dienasdárkkuhusas nugo báiddiin dahje gohpain. Govaid ii oaččo arkiveret iige luohpadit goalmmát oassebeliide. Gova gáldu galgá almmuhit buori dábi mielde.

Govaid buot geavahandárkkuhusain galgá vuhtiiváldit olbmuid, geat leat govas, ja dárbbu mielde skáhppot sin miehtama gova geavaheapmái. Sámedikki govaid ii oaččo geavahit buori dábi vuostásaččat. Dáinna dárkkuhuvvo govaid geavaheapmi ovdamearkan dakkár oktavuođas, mii hálbbida govas leahkki olbmo dahje govvideaddji árvvu. Govaid sisdoalu ii oaččo rievdadallat.

Gova geavaheaddji ii dárbbaš sierra skáhppot govvideaddji lobi, go Sámediggi lea skáhppon govaid viiddes geavahanvuoigatvuođain. Go fas geavahanvuoigatvuohta ii govčča maidige eará lobiid, maid gova geavaheapmi sisdoalu dahje čuozáhaga vuođul vejolaččat eaktuda. Dárbbašlaš lobit sáhttet leat govain leahkki olbmuid miehtama skáhppon gova geavaheapmái ođđa geavahanoktavuođas. Juos govas leat dahkkivuoigatvuođalaččat suddjejuvvon dahkosat dahje dávvirmearkkat, gova geavaheapmi sáhttá eaktudit guoskevaš vuoigatvuođaid hálddašeaddji lobi.

Juos geavaheaddji suostá ovdalis leahkki dárbbašlaš lobiid skáhppoma ja geavaheapmi loavkida goalmmát oassebeliid immateriálavuoigatvuođaid (dahkkivuoigatvuođaid, dávvirmearkavuoigatvuođaid) dahje eará vuoigatvuođaid (omd. govas leahkki olbmo vuoigatvuođaid mearridit gova geavaheamis), geavaheaddji vástida dákkár loavkideaddji geavaheami dihtii Sámediggái šaddan vahágiin ja goasttádusain. Vuolggasadjin lea, ahte geavaheaddji vástida njuolgga goalmmát oassebeliide šaddan vahágis.

Geavahaneavttuid vuođđun leat geavahuvvon riikkabeivviid kansliija govaid geavahaneavttut.