Olahahttivuođačilgehus
Dát čilgehus guoská www.samediggi.fi -neahttasiiddu. Neahttasiiddu guoská láhka digitála bálvalusaid fállamis. Lága mielde almmolaš neahttabálvalusat galget leat olahahttit dahjege buohkain galgá leat ovttaveardásaš vejolašvuohta geavahit neahttabálvalusaid. Čilgehusas muitaluvvo makkár váilevuođat siiddu olahahttivuođas leat ja mo sáhtát addit máhcahaga siiddu olahahttivuođa birra. Čilgehus lea ráhkaduvvon 31.1.2024.
Bálvalusa olahahttivuohta
Neahttasiidu deavdá stuorámus oassái lágas geatnegahtton A- ja AA-dási olahahttivuođakritearaid (WCAG 2.1), eaige siiddus leat kritihkalaš olahahttivuođaváilevuođat. Neahttabálvalusa guovddáš váilevuođat leat govviduvvon maŋŋelabbos dán čilgehusas. Neahttabálvalusa doaimmaheaddji lea iskan olahahttivuođa olahahttivuođabargoreaidduiguin. Olahahttivuohta vuhtiiváldojuvvo maiddái buot ođđa iešvuođaid ovddidanbarggus.
Jos materiála, man dárbbašat, ii leat olahahtti, váldde midjiide oktavuođa e-poasttain. Mii doaimmahat materiála, man dárbbašat, olahahtti hámis.
Sisdoalut dahje doaimmat, mat eai leat vel olahahttit
Govat ja diagrámmat: Sisdoallosiidduin leat muhtun govat, maidda eai leat meroštallon govvideaddji teakstavástádusat. Siiddus leat maiddái muhtun govat, mat sisttisdollet teavsttaid. (WCAG 1.1.1, WCAG 1.4.5)
Liŋkkat: Liŋkkaid nammadeamis leat váilevuođat. Neahttasiiddu siidduin soaitá leat geavahuvvon seamma liŋkateaksta liŋkkain, mat stivrejit geavaheaddji eará sisdoaluide. Buot liŋkateavsttat eai doaimma áššeoktavuođas sierra dego ”oahpásmuva dás” dahje ”geahča buot”. Siidduin leat govvaliŋkkat, main váilu liŋkka ulbmila čájeheaddji teakstavástádus. (WCAG 2.4.4)
Ohcu: Siiddu almmolaš ohcu ii doaimma ruvttolohkkiin ja bálvalusa ohcandoaimmat sisttisdollet váilevaš rávateavsttaid. Dát geahččaluvvo divvut boahttevaš beaivádemiin (WCAG 3.3.2)
Vuojuhuvvon videot: Vuojuhuvvon YouTube-čuojanasa boalut eai lohkkojuvvo buot ruvttolohkiiguin riekta. Lága gáibádusat eai guoskka dákkár goalmmát oassebeali sisdoalu. (WCAG 1.1.1)
Fiillaid olahahttivuođaváilevuođat
Siiddus ja dan dokumeantabáŋkkus leat 23.9.2018 maŋŋá almmuhuvvon Word, Excel ja PDF-fiillat, main leat olahahttivuođaváilevuođat. Oassi fiillain, mat leat siiddus, leat ráhkaduvvon ovdal 23.9.2018, nu dat eai gula láhkaásaheapmái, mii heivehuvvo.
- Fiillain sáhttet leat visuála elemeanttat, govat ja diagrámmat, main váilot teakstavástádusat. (WCAG 1.1.1)
- Fiillain sáhttet leat ruvttolohkkigeavahusa hehttejeaddji váilevuođat hámi ektui omd. guoros gurgadasmolsumat ja bajilčállagat, mat leai leat merkejuvvon bajilčáladásiin dahje bajilčállaga struktuvra lea boastut (WCAG 1.3.1)
- Fiillaid skoviid struktuvrrain sáhttet leat ruvttolohkkigeavahusa hehttejeaddji váilevuođat, omd. teavstta hábmemii geavahuvvon tabeallastruktuvrrat, váilevaš prográmma bajilčállagat čuolddain ja seamma sullasaš dieđuid juohkin máŋgga sierra tabellii. (WCAG 1.3.1)
- Fiillaid metadieđuin sáhttet leat váilevuođat, ovdamearkka dihte váilevaš bajilčállagat (title) dahje boasttu dahje váilevaš giellameroštallamat ja dahkkidieđut.
- Stuorra oassi pdf-skoviin eai leat olahahttit. Go skovit beaiváduvvojit, dat geahččaluvvojit ráhkaduvvot olahahttin.
Máhcahat ja oktavuođadieđut
Fuobmájitgo váilevuođa olahahttivuođas? Almmut dan birra midjiide. Sáhtát váldit oktavuođa neahttaskovi bokte. Sámediggi-siiddu olahahttivuođas ja máhcahagaid gieđahallamis vástida Sámedikki dieđiheapmi.
Atte máhcahaga olahahttivuođa birra
Bearráigeahčči eiseváldi
Jos fuobmát, ahte siiddus leat olahahttivuođaváttisvuođat, atte vuos máhcahaga midjiide dahjege siiddu bajásdoallái. Mii lohpidat vástidit guovtti vahku siste. Jos it leat duđavaš vástádussii, man oaččut, sáhtát dahkat almmuhusa Mátta-Suoma guovlohálddahusdoaimmahahkii (rahpasa ođđa ruvttui). Mátta-Suoma guovlohálddahusdoaimmahaga siidduin muitaluvvo dárkilit, mo almmuhusa sáhttá dahkat ja mo ášši gieđahallo.
Bearráigeahčči eiseválddi oktavuođadieđut
Mátta-Suoma guovlohálddahusdoaimmahat
Olahahttivuođa bearráigeahču ovttadat
www.saavutettavuusvaatimukset.fi
saavutettavuus@avi.fi
telefonnummir guovddážii 0295 016 000
