Sámedikki dutkanehtalaš ráđđi
Sámedikki dutkanehtalaš ráđđi koordinere ja ovddida dutkama guoski ehtalaš rávvagiid vuhtiiváldima ja juohká das dieđuid. Ráđđi mearrida sámiid searvvušlaš ovdamiehtamiid mieđiheamis dutkamiidda ja eará sámekultuvrii ja árbedihtui váikkuheaddji doaibmabijuide ja maid válmmaštallá ovdamiehtanmeannudeami ovdánahttima.
- Sámedikki čoahkkin vállje Sámedikki dutkanehtalaš ráđđái Sámedikki válgabadjái hávil ságadoalli, várreságadoalli ja golbma eará lahtu ja maid juohke oktii persovnnalaš várrelahtu.
- Ságadoalli ja várreságadoalli galgaba leat Sámedikki fásta lahtut.
- Ráđđi galgá ovddastit nu bures go vejolaš Suoma sámiid giella- ja guovllujoavkkuid ja buori áššedovdamuša doaibmasuorggistis.
Bargguide gullet:
- koordineret ja ovddidit Sámedikki dutkama guoski ehtalaš rávvagiid ollašuhttima ja vuhtiiváldima eiseválddiid ja dutkanásahusaid doaimmas ja mearrádusbargamis ja maid juohkit dieđuid vai Sámedikki dutkanehtalaš rávvagiid ollašuhttin ollašuvvá,
- mearridit sámiid searvvušlaš ovdamiehtamiid mieđiheamis dutkamiidda ja eará doaibmabijuide, mat gusket dahje main sáhttá leat váikkuhus sámekultuvrii ja árbedihtui dutkanehtalaš rávvagiid vuođul, maid Sámediggi lea nannen,
- válmmaštallat evttohusa ovdamiehtama guoski boahttevaš meannudeapmin.
Sámedikki dutkanehtalaš ráđi guoski bargoortnega paragráfat leat fámus mearreáiggi 31.12.2027 rádjai (Sámedikki čoahkkin 14.4.2026).
