Sámi skuvlenáššiid ovttasbargoorgána
Sámi skuvlenáššiid ovttasbargoorgána lea Sámedikki, sámiid ruovttuguovllu gielddaid, eará sámegiela dahje sámegielat oahpahusa lágideaddji gielddaid ja stáhtahálddahusa gaskasaš áššedovdi-, ovttasbargo- ja ráđđádallanorgána. Sámi skuvlenáššiid ovttasbargoorgána doaibmá Sámedikki oktavuođas.
Ovttasbargoorgána dárkkuhussan lea ovddidit ovttasbarggu sámi skuvlenáššiin ja ovddidit ovttasbargui oassálasti organisašuvnnaid gaskasaš diehtojuohkima ja oktavuođadoallama.
Ovttasbargoorgána doaibmá ráđđeaddi orgánan sierra Sámedikki linjáorganisašuvnnas.
Doaimmat
- Ovddidit sámegielat ja sámegiela oahpahusa ja sámegielat árrabajásgeassima lágideami ja ovddideami,
- čuovvu ovdáneami ja doaibmá áššedovdin, ja
- dahká evttohusaid ja addá áššedovdicealkámušaid sámi skuvlengažaldagain.
Ásaheapmi ja čoahkkáibidju
Sámedikki čoahkkin ásaha ovttasbargoorgána iežas doaibmabaji vástideaddji áigái.
Ovttasbargoorgánas leat unnimustá logi lahtu. Sámedikki čoahkkin nammada orgánii golbma lahtu, ovtta juohke sámi giellajoavkkus. Sámediggi bivdá oahpahus- ja kulturministeriija, Oahpahusráđđehusa, Lappi guovlohálddahusdoaimmahaga, sámiid ruovttuguovllu gielddaid Eanodaga, Anára, Soađegili ja Ohcejoga, eará sámegielaid ja sámegielat oahpahusa lágideaddji gielddaid, Sámi oahpahusguovddáža ja Oulu universitehta Giellagas -instituhta nammadit guđege ovtta lahtu ja persovnnalaš várrelahtu.
Ovttasbargoorgána ságajođiheaddjin ja várreságajođiheaddjin doaibmaba lahtut, geaid Sámediggi lea nammadan. Ovttasbargoorgána čállin doaibmá Sámedikki skuvlenčálli.
