Anarâšaašij ráđádâllâmkodde

Anarâšâi aašij ulmemiäldásii kieđâvuššâm várás tuáimá Sämitige ohtâvuođâst äššitobdee-, oovtâstpargo- já ráđádâllâmorgaan. Ráđádâllâmkode tárguttâssân lii rääđi adeleijee orgaanin ovdediđ anarâšâi aašijd já sajattuv.

Ráđádâllâmkode jesâneh 2020-2023

Leo Aikio, saavâjođetteijee

Aslak Pekkala, värisaavâjođetteijee

Asko Länsman 

Inka Kangasniemi 

Anu Avaskari 

Anni Koivisto 

Ráđádâllâmkode pargoh

  • Addel ciälkkámušâid Sämitige stiivrân já lävdikuddijd anarâššáid kyeskee aašijn.
  • Čuávu anarâššáid kyeskee aašij ovdánem.
  • Tuáimá äššitobden anarâššáid kyeskee aašijn.
  • Taha iävtuttâsâid anarâššáid kyeskee koččâmušâin.
  • Sämitigge tâi Sämitige stivrâ puáhtá miärádâssáin čujottiđ meid eres, eromâšávt anarâššáid kyeskee pargo ráđádâllâmkode hoittámnáál.

Jesânij valjim

Sämitige čuákkim aasât ráđádâllâmkode jieijâs toimâpaje västideijee ááigán. Ráđádâllâmkoddeest láá kuttâ anarâš jeessân. Jesâneh väljejuvvojeh Sämitige jesânij juávhust. Jis Sämitiggeest iä lah anarâš jesâneh, te Sämitigge väljee ráđádâllâmkode jesânijd Sämitige ulguubeln.