Arâšoddâdemlävdikodde

Arâšoddâdemlävdikodde tuáimá Sämitige stiivrâ vuálásâžžân já västid sämmilii arâšoddâdem oovdedmist já pyereedmist. Lävdikodde valmâštâl Sämitige iävtuttâsâid já uáivilalmottâsâid, oovded sämmilij párnái vuoigâdvuođâid jieijâskielâlii arâšoddâdmân já hoittáá sämikielâlii arâšoddâdem já kielâpiervâltooimâ staatâtorjuid lohtâseijee miärádâs-, čuávvum- já haldâttâhpargoid.

  • Sämitige čuákkim väljee arâšoddâdemlävdikoodán valjâpajan häävild saavâjođetteijee, värisaavâjođetteijee já vittâ eres jeessân sehe juáhážân persovnlii värijeessân.
  • Saavâjođetteijee já värisaavâjođetteijee kolgâv leđe tige eidusiih jesâneh.
  • Lävdikodde kalga ovdâstiđ nuuvt pyereest ko máhđulâš Suomâ sämmilij kielâlijd já kuávlulijd juávhuid sehe šiev äššitubdâmuš jieijâs toimâsyergist.

Pargoid kuleh

  • valmâštâllâđ valjâpajan sämmilii arâšoddâdem toimâ- já ovdedemohjelm njunošulmijguin,
  • valmâštâllâđ taid Sämitige iävtuttâsâid, alguid, ciälkkámušâid já eres uáivilalmottâsâid, moh kyeskih sämmilii arâšoddâdmân,
  • ovdediđ sämipárnái vuoigâdvuođâid jieijâskielâlii arâšoddâdmân já sämmilii arâšoddâdem sajattuv Suomâst,
  • ovdediđ sämmilii arâšoddâdem tave-eennâmlii oovtâstpargo,
  • porgâđ oovtâstpargo sämmilii arâšoddâdem hoittájeijee aalmuglij já aalmugijkoskâsij ornijdumijguin,
  • jyehiđ tiäđu sämmilii arâšoddâdmist,
  • kevttiđ meridemvääldi, mii kulá staatâtoorjâvirgeomâhâžân, ovdiibeln 4 § 13 saajeest uáivildum sämmilii arâšoddâdem já kielâpiervâltooimâ orniimân čujottum staatâtorjui kiävtust já västidiđ eres mainâšum torjui haaldâšmân lohtâseijee pargoin sehe kieđâvuššâđ táárbu mield toorjâmiärádâssáid čyeccee vuoigimvátámâšâid,
  • čuávvuđ já kocceeđ sämikielâlii arâšoddâdem já kulttuur- já kielâpiervâltooimâ orniimân čujottum staatâtorjui kevttim já rähtiđ Sämitige stiivrân jyehi ive čielgiittâs mainâšum staatâtorjui kiävtust,
  • rähtiđ Sämitige čuákkimân iävtuttâs sämikielâlii arâšoddâdem já sämmilij kulttuur- já kielâpiervâltooimâ orniimân tárbulijn jyehi-ivvááš staatâtorjuin,
  • rähtiđ Sämitige čuákkimân iävtuttâs ovdiibeln 4 § 16 saajeest uáivildum kuhheeb áigáduv vuávám sämmilij arâšoddâdempalvâlusâi ornim várás,
  • hoittáđ jieijâs toimâsyergi eres pargoid.