Ouddpeâmmluʹvddkåʹdd

Ouddpeâmmluʹvddkåʹdd tåimm Sääʹmteeʹǧǧ halltõõzz vuâlažvuõđâst da vaʹsttad sääʹm ouddpeâmm ouddnummšest da ooudâsviikkmõõžžâst. Luʹvddkåʹdd valmštââll Sääʹmteeʹǧǧ eʹtǩǩõõzzid da peäʹlest välddmõõžžid, oouʹdad sääʹmpäärnai vuõiggâdvuõđid jiijjâsǩiõllsiʹžže ouddpiõmmu di håidd sääʹmǩiõllsa ouddpeâmm da ǩiõllpieʹsståimmjummuž riikkveäʹǩǩtieʹǧǧid õhttneei tuʹmmstõk-, spraavâm-, da vaaldšemtuâjaid.

  • Tiiʹǧǧi sååbbar vaʹlljad ouddpeâmmluʹvddkådda vaalpââjas vuârast saaǥǥjååʹđteeʹj, väärrsaaǥǥjååʹđteeʹj da vitt jeeʹres vuäzzla di juâkkseʹžže jiõčč-i väärrneeʹǩǩ.
  • Saaǥǥjååʹđteeʹj da väärrsaaǥǥjååʹđteeʹj âʹlǧǧe leeʹd teeʹǧǧ veärlaž vuäzzla.
  • Luʹvddkååʹdd âlgg eeʹttkâʹstted vueiʹtlva puârast Lääʹddjânnam säʹmmlai ǩiõlʼlaž da vooudlaž jooukid di pueʹrr ääʹšštobddmõõžž tåimmsuõʹrjes mieʹldd.

Tuâjaid kooll

  • valmštõõllâd vaalpââjas säʹmmlai ouddpeâmm tåimmam- da ooudâsviikkâmprogramm njoonaštäävtõõzzineez,
  • valmštõõllâd sääʹmteeʹǧǧ eʹtǩǩõõzzid, alttõõzzid, ciâlklmid da jeeʹres peäʹlest välddmõõžžid, kook kueʹsǩǩe sääʹm ouddpeâmm,
  • oouʹdeed sääʹmpäärnai vuõiggâdvuõđid jiijjâsǩiõllsiʹžže ouddpiõmmu di sääʹm ouddpeâmm sââʹj Lääʹddjânnmest,
  • oouʹdeed sääʹm ouddpeâmm tâʹvvjânnmallaž õhttsažtuâj,
  • spraavâd õhttsažtuâj sääʹm ouddpeâmm håiddai meersaž da meeraikõskksaž organisaatioivuiʹm.
  • jueʹǩǩed teâđaid sääʹm ouddpeâmmast,
  • ââʹnned riikkveäʹǩǩveʹrǧǧnekka kuulli mieʹrreemvääʹld ooudâst 4 § 13 pääiʹǩest jurddum sääʹmǩiõllsa ouddpeâmm da ǩiõllpieʹsståimmjummuž jäʹrjstummšen čuäʹjtum riikkveäʹǩǩtieʹǧǧi âânnmõõžžâst da vaʹsttad jeeʹres peäggtum veäʹǩǩtieʹǧǧi vaaldšummša õhttneei tuâjain di ǩiõttʼtââll taarbšeen veäʹǩǩteäʹǧǧtuʹmmstõõǥǥid tillʼlõõvi vuõiǥeemõõlǥtummšid,
  • praavâd da vuåppâd sääʹmǩiõllsa ouddpeâmm da kulttuur- da ǩiõllpieʹsståimmjummuž jäʹrjstummšen čuäʹjtum riikkveäʹǩǩtieʹǧǧi âânnmõõžž di raajjâd sääʹmteeʹǧǧ halltõʹsse piiri-iiʹjji čiõlǥtõs peäggtum riikkveäʹǩǩtieʹǧǧi âânnmõõžžâst,
  • raajjâd teeʹǧǧ såbbra eʹtǩǩõs sääʹmǩiõllsa ouddpeâmm da 15 sääʹmkulttuur- da ǩiõllpieʹsståimmjummuž jäʹrjstummšen taarbšeei piiri-iiʹjji šõddi riikkveäʹǩǩtieʹǧǧin,
  • raajjâd teeʹǧǧ såbbra eʹtǩǩõs ooudâst 4 § 16 pääiʹǩest jurddum kuuʹǩǩab äiʹǧǧkõõsk plaan sääʹm ouddpeâmmkääzzkõõzzi jäʹrjstummšen,
  • håiddad jeeʹres tåimmsuârggses kuulli tuâjaid.