Sääʹmteeʹǧǧ sååbbar
Sääʹmteeʹǧǧ sååbbar eeʹttkâstt Sääʹmteeʹǧǧ pââimõs mieʹrreemvääʹld. Tõt noorââtt 4–5 vuâra eeʹjjest. Sääʹmteeʹǧǧ sååbbar tuʹmmai jäänmõsân nåkam ceâlklmin, eʹtǩǩõõzzin da jeeʹres peäʹlestvälddmõõžžin, koid Sääʹmteʹǧǧ lij ouddam.
Sääʹmtegga koʹlle 21 vuäzzliʹžžed da nellj väärrneeʹǩǩ, koid vaʹlljeet sääʹmteeʹǧǧ vaalin neellj eeʹjj tåimmpââjas. Sääʹmteeʹǧǧest âʹlǧǧe leeʹd uuʹccmõsân kueʹhtt vuäzzla da õhtt väärrneǩ Jeänõõǥǥ, Aanar da Uccjooǥǥ kååʹddest di Suäʹđjel kååʹdd Lappi paalǥâskååʹdd vuuʹdest. Looppid 13 vuäzzliʹžžed vaʹlljeet jiõnnmeäʹr vuâđald, kuuitâǥ nuʹtt, što uuʹccmõsân vitt vuäzzla âʹlǧǧe leeʹd säʹmmlai dommvuuʹdest.
Sääʹmteeʹǧǧ sååbbar norrââtt täujja Sääʹmkulttuurkõõskõs Sajoozzâst Aanrest. Såbbar lie õlmmâz da tõid vuäitt seuʹrrjed pääiʹǩ âʹlnn parlameʹnttkueʹrncest leʹbe Zoom webinaar pääiʹǩ. Parlameʹnttkueʹrncest tuʹlǩǩeemaparaatt lie ǩiõččji ââʹnnmest. Vuõigg vuõlttõõzz pääiʹǩ lij vueiʹtlvaž kulddled tuʹlǩǩuum ǩiõl kueʹrncest kullum ǩiõl lââʹssen.
