Laasktemteâđ, paʹlǩǩõõzz da mäʹtǩǩlaask

Tän sijddu lie norrum Sääʹmteeʹǧǧ laasktemvuäppõõzz, neʹttlaasktemteâđ di paʹlǩǩõõzzi da mäʹtǩǩ-koʹrvvõõzzi ooccmõʹšše kuulli vuäppõõzz. Lââʹssen seeidain käunnʼje persoonteâđai iʹlmmtummša taarbšum lomaakk da tällõskonttâr õhttvuõtt-teâđ.

Sääʹmteeʹǧǧ toiʹmmjummuš lij riikkvieʹǩǩtõõzzivuiʹm teäggtum takaiääuklaž toiʹmmjummuš, kååʹtt jäänmõsân ij leäkku jäärnaǩtällõõzzlaž toiʹmmjummuš da nääiʹt tõt lij ärvvlââʹsspiiđteʹmes. Tåʹlǩ Sääʹmkulttuurkõõskõs Sajoozz toiʹmmjummuš lij ärvvlââʹsspiiđlaž.

Vaʹlljed šiõttlõs pääiʹǩ:

Vuästtlaask

Põrggâz da jeärraz Y-tiõttin toiʹmmjeei vuäiʹtte vuõltteed laask vuõss-sââʹjest neʹttlaskkân.

Neʹttlaasktõõzz teeknlaž teâđ

Nõmm: Samediggi/Sääʹmteʹǧǧ
P-tiõtt: 1052535-3
Neʹttlaasktõsaddrõs: 003710525353
Siʹrddi tiõtt:003708599126
Siʹrddi: Open Text Oy

Ââʹnned laaski ooudas-seʹrddma pâʹjjen peäggtum neʹttlaskkaddrõõzz da siʹrddi tiõtt.

Vuästtlaask neʹttpooʹštin

Jos neʹttlaask vuõlttummuš ij leäkku vueiʹtlvaž, vuäitak vuõltteed laask PDF-häämast addrõʹsse: fennoa.506464@erin.posti.com

  • Vuõlttâd laask neʹttpååʹšt meâlddõsteâttõssân.
  • Vuäitak vuõltteed mäŋgg laask õõut neʹttpååʹštsaaǥǥâst, ko pâi juõʹǩǩ laskk lij jiiʹjjes-i meâlddõsteâttõssân.
  • Uuʹd juõʹǩǩ teâttõʹsse jeeʹres nõõm.
  • Õhttâd laʹsǩǩe kuulli meâlddõõzzid seämma PDF-teâttõʹsse laaskin.
  • Ainsmââʹtt, što pdf-teâttõs ij leäkku lokkuum leʹbe suõjjuum peittsaaʹnin.
  • Ââʹn teâttõõzz nõõmâst tåʹlǩ bukvaid a-z da A-Z di nââmrid 0-9.
  • Jeäʹl ââʹn teâttõõzz nõõmâst spesiaalmiârkid.

Laask vuõlttummuš pååʹšt mieʹldd

Jos jiõk vueiʹt tooiʹmted laask liâđǥlânji, vuõlttâd põʹmmailaask addrõʹsse:

Samediggi/Sääʹmteʹǧǧ
PL 57273
01051 LASKUT

Päʹlǩǩ- da mäʹtǩǩlaask porggsin (koin lij y-tiõtt) vuäitak vuõltteed liâdǥlânji neʹttlaskkân.

Lââʹssteâđaid laasktummšest oudd

Laila Aikio

Koontârpiisar, mättmateriaaltiʹllʼjõõzz

Teʹl. 050 562 6026 / 010 839 3178

laila.aikio@samediggi.fi

Paʹlǩǩõs- da mäʹtǩǩlaask

Jos tuʹst ij leäkku Y-tiõtt, raaj Paʹlǩǩõs- da mäʹtǩǩlaaskid liâđǥlânji .

Vuäǯǯak M2-prograamm õõʹnnitiõtt da vuäppõõzzid Sääʹmteeʹǧǧ tällõskonttrest: talous@samediggi.fi.

Tiuddâd personteâttlomaakk

Tiuddâd pääʹlǩ- da paʹlǩǩõsvuäǯǯai personteâttlomaakk, ǥu äʹššääk Sääʹmteeʹǧǧin vuõssmõs vuâra leʹbe ǥu ääiʹjben iʹlmmtemad teâđ lie mottjam.

Tiuddâd liâđǥlaž personteâttlomaakk: Liâđǥlaž persoonteâttlomakk

Liâdǥlaž lomaakk lââʹssen ââʹnnemnalla lij priʹnttjem vääras jurddum PDF-lomakk:

Persoonteâđai suõjjuum vuõlttummuš

Vuäitak tooiʹmted persoonteâđaid da jeeʹres peittsallaš äʹššǩiiʹrjid Sääʹmteeʹǧǧ tällõskonttra suõjjuum neʹttpooʹštin: https://secmail.com/send/vMJaNprX

Suõjjuum neʹttpååʹšt vuäitak ââʹnned õuddmiârkkân PDF-hämmsaž persoonteâttlomaakk vuõlttummša.

Hoʹhsse! Sääʹmteʹǧǧ vuäǯǯ piiđkoort teâđaid automaattlânji piiđvaaldšmest. Piiđkoort ij taarbâž jeeʹrben tooiʹmted Sääʹmteeʹǧǧ tällõskonttra.

Paʹlǩǩõõzzid da maatkčummuž kuõskki vuâkkõõzz

Tobdstõõđ taarb mieʹldd täid vuäppõõzzid:

Persoonteâđai ǩiõttʼtõõllmõš

Persoon- da tuâjjkõskkvuõtt-teâđai tuõʹllʼjummuš lij vueʹss tällõstuåim päʹlǩǩlaʹsǩǩeemproseezz. Iʹlmmteeʹjest lij vuõiggâdvuõtt tääʹrǩsted jiiʹjjes kuõskki teâđaid.