Meeraikõskksaž alggmeer da EU-aaʹšši luʹvddkåʹdd

Meeraikõskksaž alggmeer- da EU-aaʹšši luʹvddkåʹdd tåimm Sääʹmteeʹǧǧ halltõõzz vuâlažvuõđâst da vaʹsttad säʹmmlai meeraikõskksaž da EU-aaʹšši valmštõõllmõõžžâst da õõudâsviikkmõõžžâst. Luʹvddkåʹdd valmštââll eʹtǩǩõõzzid, ciâlklmid da peäʹlest välddmõõžžid säʹmmlai vuõiggâdvuõttsââʹjest di oouʹdad meeraikõskksaž suåppmõõžži tiuʹddepiijjmõõžž, õhttsažtuâj meeraikõskksaž tåimmorgaanivuiʹm da säʹmmlai vuässadvuõđ EU tuʹmmstõktuâjast.

  • Tiiʹǧǧi sååbbar vaʹlljad meeraikõskksaž alggmeer da EU-aaʹšši luʹvddkådda teeʹǧǧ vaalpââjas vuârast saaǥǥjååʹđteeʹj, väärrsaaǥǥjååʹđteeʹj 12 da vitt jeeʹres vuäzzla di juâkkseʹžže jiõčč-i väärrneeʹǩǩ.
  • Saaǥǥjååʹđteeʹj da väärrsaaǥǥjååʹđteeʹj âʹlǧǧe leeʹd teeʹǧǧ veärlaž vuäzzla.
  • Luʹvddkååʹdd âlgg eeʹttkâʹstted vueiʹtlva puârast Lääʹddjânnam säʹmmlai ǩiõlʼlaž da vooudlaž jooukid di pueʹrr ääʹšštobddmõõžž tåimmsuõʹrjes mieʹldd.

Tuâjaid koʹlle

  • taarbšeen valmštõõllâd da tiuʹddepiijjâd sääʹmteeʹǧǧ meeraikõskksaž- da EU-aaʹšši strategia njoonaštäävtõõzzineez,
  • koordinâʹstted da oouʹdeed Sääʹmteeʹǧǧ meeraikõskksaž tåimmjummuž Sääʹmteeʹǧǧ saaǥǥjååʹđteeʹj jååʹđteʹmmen,
  • valmštõõllâd eʹtǩǩõõzzid, alttõõzzid, ciâlklmid da jeeʹres peäʹlvälddmõõžžid, kook kueʹsǩǩe säʹmmlai vuõiggâdvuõttsââʹj meeraikõskksaž ooumažvuõiggâdvuõttsuåppmõõžži da alggmeervuõiggâdvuõđid kuõskki suåppmõõžži ǩiõččâmvueʹjjest da vuâlažvuõđâst,
  • tueʹjjeed õhttsažtuâj säʹmmlai vuõiggâdvuõttsâjja, meeraikõskksaž da EU-aaʹššid õhttneeʹl meeraikõskksaž organisaatioi da tåimmorgaanivuiʹm,
  • oouʹdeed säʹmmlai vuõiggâdvuõttsâjja õhttneei meeraikõskksažvuõiggâdvuõđlai suåppmõõžži tiuʹddepiijjmõõžž, suåvvtummuž da ooudâsviikkmõõžž,
  • oouʹdeed säʹmmlai vuässadvuõđ ooudâsviikkmõõžž EU tåimmorgaani tuʹmmstõktuâjast,
  • ainsmâʹtted säʹmmlai vuõiggâdvuõđi lokku välddmõš da tõi ooudâsviikkmõš da teâuddjummuš EU tåimmorgaani tuʹmmstõõǥǥin,
  • håiddad jeeʹres tåimmsuârggses kuulli tuâjaid.