Sämimuusikkuávdáš
Sämitige vuálásii sämimuusikkuávdáá ulmen lii tuárjuđ ärbivuáválij sämmilij vookaalmuusiktiijpâi (luohti, leuʹdd já livđe) siäilum já ovdedem sehe tuárjuđ já ovdediđ moodeern sämimuusik.
Sämimuusikkuávdáš uárnee sämimuusik máttááttâs, fáálá máhđulâšvuođâid sämimuusik pyevtitmân, oovded sämmilii muusikmättim já uárnee sämimuusik konsertijd sehe eres tábáhtusâid já návt taha sämimuusik tobdosin. Kuávlulâš olleemvuotâ, uásálistittem já sämimuusik juksâmvuotâ láá kuávdášliih ääših sämimuusikkuávdáá tooimâst.
Muusiktábáhtusah já konserteh sämikuávlust já ton ulguubeln fäälih sämmilâš kuldâleijeid já keččeid máhđulâšvuođâ navdâšiđ jieijâs muusikkulttuurist já nube tááhust pyeredeh sämikulttuur tubdâm já tiäđu válduaalmug juávhust. Lasseen konserteh já tábáhtusah išedeh sämiartistij kreatiivlii pargo já pyevtittâsâi jyehim.
Merhâšitteemus jyehi-ivvááš tábáhtus lii algâaalmugij muusikfestivaal Ijâttes ijjâ, mii uárnejuvvoo porgemáánust Anarist. Sämimuusikkuávdáá vuávájeijee tuáimá tábáhtus pyevtitteijen já kuávdáš lii mudoi-uv merhâšittee roolist tábáhtus orniimist.
Sämimuusikkuávdáš lii Säämi kulttuurkuávdás Saijoos aktiivlâš tuáimee. Sajos fáálá fiijnâ raamijd Sämimuusikkuávdáá tooimân. Sämimuusikkuávdáš uárnee Saijoosist konsertijd já eres musikkân lohtâseijee tábáhtusâid.
Sämimuusikkuávdáá tooimâ stivree Sämitige stiivrâ ihásávt tuhhiittem toimâvuávám já tooimâ ruttâd Máttááttâs- já kulttuurministeriö.
Vääldi ohtâvuođâ
Oula Guttorm
Vuávájeijee, Säämi muusikkuávdáš
