Nuoraide
Sámedikki vuollásaš nuoraidráđđi ollašuhttá Sámedikki nuoraidpolitihkalaš doaimma. Nuoraidráđi váldobargun lea ovddidit sámenuoraid gielalaš ja kultuvrralaš vuoigatvuođaid miehtá Suoma ja nannet sámenuoraid gullevašvuođa sámekultuvrii. Politihkalaš doaimma lassin Nuoraidráđđi lea fárus prošeavttain, mat movttiidahttet sámenuoraid geavahit sámegiela ja nannejit sámenuoraid identitehta ovdamearkan nuoraidbarggu bokte. Dan lassin Nuoraidráđđi juohká dieđuid nuoraide sin guoski áššiin.
Nuoraidráđđi válmmaštallá Sámedikki cealkámušaid, álgagiid ja eará bealiváldimiid, mat gusket sámenuoraid dahje sámenuoraid eallindiliid.
Diehto- ja rávvensiiddut
Siidduin gávdnojit dieđut nuoraidráđi doaimmas, sámenuoraid informeren– ja rávvenbálvalusain ja maiddái videobloggat. Nuoraidráđđi lea ráhkadan dorvvolaš birrasa rávvagiid sámenuoraide ja juohká siiddus dieđuid ee. seksuála- ja mielladearvvasvuođaáššiin Suomas hállon buot sámegielain.
