OASSÁLASTTE GIELLAVAHKKUI!

Mii lea Giellavahkku ja dan ulbmil?

Giellavahku ulbmilin lea oažžut sámegielaide fuomášumi, čalmmustahttit daid ja oažžut daid gullot buot servodaga oassesurggiin Suomas, Ruoŧas ja Norggas. Sámegielat leat dehálaččat ovttaskas giellageavaheaddjái, sámi álbmogii ja maiddái suopmelaš servodahkii. Sámegielat doibmet gulahallama gaskaoapmin ja dat leat oassin identitehtas, kulturárbbis ja oktiigullevašvuođas. Iežas giela oidnon árgabeaivvis lea dehálaš sámegielaid geavaheaddjiide, sámegielaid sajádahkii, oktiigullevašvuođa dovdui. Sámegielaid oidnon čujuha maiddái dan ahte giella lea dohkkehuvvon servodagas. Giellavahkku lea ordnejuvvon jagi 2019 rájes, goas ávvuduvvui ON:id riikkaidgaskasaš eamiálbmogiid gielaid jahki. Giellavahkku lea dan rájes ordnejuvvon juohke jagi golggotmánus vahkus 43. Sámediggi ollašuhttá Giellavahku ovttasbarggus Ruoŧa ja Norgga Sámedikkiiguin.

Manin aiddo din gánneha oassálastit Giellavahkkui?

Mii sávvat, ahte sii geat oassálastet Giellavahkkui, buktet ovdan ja vejolašvuođaid mielde geavahit sámegielaid iežaset doaimmas Giellavahku áigge. Mii háliidat, ahte suopmelaš servodat oahppá eanet ja buorebut áddet sámegielaid, sámekultuvrra ja sámi servodateallima. Dán bargui dárbbašuvvojit buohkat mielde. Go oassálastibehtet Giellavahkkui, sáhttibehtet doarjut Suoma ja Eurohpá Uniovnna áidna eamiálbmoga sámiid Suomas hállojuvvon davvisáme-, anáraš- ja nuortalašgielaid.

Evttohusat aktivitehtan ja maeriála Giellavahkkui

Giellavahkkui sáhttá oassálastit máŋgga láhkai. Sáhttá geavahit gárvves materiálaid dahje ordnet dáhpáhusaid.  Ovdamearkkat ja dieđut materiálain leat vulobeale listtus.

• Sámegielaid čalmmustahttit dalle go geavahit omd. sámegielat oahpistangalbbaid. Gárvves oahpistangalbbat gávdnojit čujuhusas Oahpistangalbbat davvisáme-, anáraš- ja nuortalašgillii ja suomagillii
• Sámegielat dearvvahusat ja eretorrunalmmuhusat e-poastageavahussii
• Sáhttá geavahit sámegielat dearvvahusaid omd. gulahusain, sosiála medias, máidnosiin ja almmuhusain. Dearvvahusat gávdnojit Sátnegirjjáš -girjjis
• Kuáti.fi lea Sámi árrabajásgeassinmateriálabáŋku, man Suoma Sámediggi doallá ja lea čohkken. Siidduin gávdnojit earret eará spealut mánáide.
• Dieđut sámiin oahpahusa várás gávdnojit siiddus Oktavuohta suomagillii.
• Sano se saameksi -prošeavttas ráhkaduvvon materiálain  sáhttá oahpásnuvvat sámegielaide, mat hubmojuvvojit Suomas nappo  davvisámegillii, anárašgillii ja nuortalašgillii. Siiddu sátnegirji lea neahtas vuosttaš sámegielat frásasátnegirji, mii sisttisdoallá hupmangiela. Sáhtát guldalit frásaid davvi-, anáraš- ja nuortalašgillii. Siiddus leat maiddái almmustahttojuvvon vihtta oanehis dokumeantta, láidehus sámekultuvrii, soundboard ja maiddái guokte artihkkala giellafáttás.
• Giellavahku plakáhta, logot ja Snapchat-filter Giellavahku siiddut
• Dearvvahusat Giellavahkkui

Lasi evttohusat aktivitehtan Giellavahkkui gávdnojit Giellavahku neahttasiiddus.