Ä’rbb – Oktasaš strategiija kulturárbái ja árbevirolaš dihtui

Váldomihttomearit ja váikkuhusat

• Nannet sámevuđot ja riikkarájáid rasttildeaddji ovttasbarggu ávnnahis kulturárbbi (ICH) ja árbevirolaš dieđu dorvvasteamis.
• Ráhkadit oktasaš prinsihpaid kulturárbbi vásttolaš geavahussii ja suodjaleapmái.
• Nannet sámiid iešmearridanvuoigatvuođa ja prinsihpaid, mat stivrejit ávnnahis kulturárbbi ja árbevirolaš dieđu gudnejahtti geavahusa, ja dasa gullá friija ja dihtui vuođđuduvvi ovdamiehtan (FPIC).
• Doarjut árbevirolaš dieđu ja kulturárbbi sirdáseami boahttevaš buolvvaide.
• Lasihit dieđu ja áddejumi sámi kulturárbbi mearkkašumis.
• Čiekŋudit Suoma ja Norgga Sámedikkiid ovttasbarggu.

Konkrehtalaš mihttomearit ja doaimmat

• Ollašuhttit pilohttainventeremiid sámi ávnnahis kulturárbbis ja árbevirolaš dieđus.
• Ovddidit oktasaš prinsihpaid, maid vuođđun leat sámeservošiid meroštallan dárbbut, kollektiivvalaš eaiggátvuohta ja FPIC-prinsihpa.
• Lágidit bargobájiid, deaivvademiid ja ságastallamiid sámeservošiiguin.
• Čohkket dieđu ja vásáhusaid boahttevaš kulturárbebarggu doarjjan.
• Ráhkadit Suoma ja Norgga Sámedikkiid oktasaš strategalaš linnjema ávnnahis kulturárbbi (ICH) dorvvasteamis ja gudnejahtti geavahusas.

Ä’rbb-prošeakta gullá Sámi parlamentáralaš ráđi doaibmabidjoplánii ja ovddida dan mihttomeriid sámi kulturárbbi ja árbevirolaš dieđu dorvvasteami ja maiddái oktasaš strategiija ovddideami várás. Ruoŧa Sámediggi ii leat prošeavtta virggálaš ovttasbargoguoibmi, muhto Ruoŧa beale sámeservošiid geahččanguovllut váldojit vuhtii Sámi parlamentáralaš ráđi bokte. Ruoŧa Sámediggái juhkkojuvvojit prošeavtta deháleamos dieđut ja bovdehusat oktasaš dilálašvuođaide. Prošeavtta vuođđun leat UNESCO ávnnahis kulturárbbi suodjaleapmái guoski oktasašsoahpamuša prinsihpat, mat prošeavttas geahčaduvvojit ja heivehuvvojit sámi geahččanguovllus.