Ooccâmiʹlmmtõs: Riikkveäʹǩǩteäʹǧǧ kulttuur- da ǩiõllpieʹsståimmjummuž jäʹrjstummša eeʹjjest 2027

Mättʼtõs- da kulttuurministeria meâtt piiri-iiʹjji Sääʹmtegga riikkveäʹǩǩtieʹǧǧ sääʹmǩiõllsa kulttuur- da ǩiõllpieʹsståimmjummuž jäʹrjstummša. Riikkveäʹǩǩtieʹǧǧest kääʹttet še kulttuur- da ǩiõllpieʹsståimmjummuž koordinaatiotuâj di pedagoogla tuärjjõõzz kuul. Riikkveäʹǩǩteäʹǧǧ lij eeʹjjest 2026 1,3 miljoon euʹrred.

Tåimmjummuž jäʹrjsteeʹj vuäǯǯee riikkveäʹǩǩteäʹǧǧvuässõõzz Sääʹmteeʹǧǧest. Sääʹmteʹǧǧ tåimm riikkveäʹǩǩveʹrǧǧneʹǩǩen Sääʹmteʹǧǧlääʹjj (414/2025) meâldlânji. Sääʹmteeʹǧǧ tuâjjriâššmõõžž mieʹldd ouddpeâmmluʹvddkåʹdd tuʹmmai riikkveäʹǩǩtieʹǧǧ juâkkmõõžžâst. Sääʹmteeʹǧǧ tuʹmmstõʹǩǩe väärai âânnmõõžžâst jiijjâz tåimmjummša ij vuäǯǯ ooccâd muttâz lääiteeʹl. Sääʹmteeʹǧǧ miõttmid veäʹǩǩtieʹǧǧid suåvldet riikkveäʹǩǩteäʹǧǧlääʹjj.  (688/2001).

Veäʹǩǩtieʹǧǧ miârktõs

Miõttum riikkveäʹǩǩtieʹǧǧin tueʹrjet tâʹvv-, aanar- da nuõrttsääʹmǩiõllsa kulttuur- da ǩiõllpieʹsståimmjummuž jäʹrjstummuž. Riikkveäʹǩǩtieʹǧǧ miõttmõõžž teäggtõsvuâđ liâ looǥǥtõllum Sääʹmteeʹǧǧ Kulttuur- da ǩiõllpieʹsståimmjummuž teäggtõsvuâđain.

Ooccâmââʹntemvuõtt

Veäʹǩǩtieʹǧǧ vueiʹtte vuäǯǯeed tõk kååʹdd, kook jäʹrjste sääʹmǩiõllsa kulttuur- da ǩiõllpieʹsståimmjummuž Sääʹmteeʹǧǧ Kulttuur- da ǩiõllpieʹsståimmjummuž teäggtõsvuâđai meâldlânji.

Ooccmõš

Ooccmõõžž tååimtet da vuâllaǩeeʹrjtet Visma Sign-kääzzkõõzzâst.

Ooccmõõžž âʹlǧǧe leeʹd mieʹrrpääiʹǩest mââimõõzzâst 11.9. čiâss 16.

Ooccâmlomakk

Kulttuur- da ǩiõllpieʹsståimmjummuž teäggtõsvuâđ

Teâtt ooccâm älggmõõžžâst lij tååimtum neʹttpååʹštin eeʹjj 2026 ooccmest mieʹldd åårrai kooʹddid.

Lââʹssteâđ

Lââʹssteâđaid oudd:

Niina Aikio-Siltala
Sueʹrǧǧäʹšštobddi, Sääʹm ouddpeâmm pedagogiikk
niina.aikio-siltala@samediggi.fi / 040 487 5414

Anni Koivisto
Sueʹrǧǧäʹšštobddi, ouddpeâmm
anni.koivisto@samediggi.fi