Iävtut Kollekielâ-kielâpalhâšume finnejeijee
Iävtuttâsâid Kollekielâ – tave-eennâmlii sämikielâ kielâpalhâšume finnejeijen puáhtá adeliđ čohčâmáánu 1. peeivi 2026 räi. Palhâšume mieđettuvvoo merhâšittee pargoost sämikielâi pyerrin.
Kollekielâ-kielâpalhâšume juáhhoo 12. keerdi čohčuv 2026. Kielâpalhâšume mieđettuvvoo ovtâskâs ulmui tâi organisaation, kote lii ovdedâm sämikielâi sajaduv tâi kevttim merhâšittee vuovvijn.
Palhâšume láá vuáđudâm Suomâ, Ruotâ já Taažâ sämiaašijn västideijee ministereh sehe staatâi sämitiigij saavâjođetteijeeh. Tot lii juohhum jyehi nube ive ivveest 2004, já palhâšume árvu lii 15 000 eurod.
Kielâpalhâšume ulmen lii tuárjuđ sämikielâi ovdedem já siäiludem Suomâst, Ruotâst, Taažâst já Ruošâst.
Iävtut palhâšume finnejeijee
Kielâpalhâšume puáhtá mieđettiđ ovtâskâsulmuid, juávhoid, siärvusáid, ovtâstussáid teikkâ lájádâssáid, moh láá porgâm iäljárávt já merhâšitteht sämikielâi ovdedem oovdân čálálávt, njálmálávt teikkâ eres häämist. Palhâšume puáhtá jyehiđ meid maaŋgâ palhâšume finnejeijee kooskâ.
Iävtuttâsâid pyehtih toimâttiđ ovtâskâsulmuuh, siärvuseh, lájádâsah já virgeomâhááh ubâ sämikuávlust. Iävtuttâs čálloo kirjálávt, já toos lahtoo enâmustáá kyevti siijđo kukkosâš vuáđustâllâm.
Iävtuttâsâid kalga toimâttiđ majemustáá 1.9.2026 jo-uv šleđgâpostáin tâi poostâ peht máttááttâs- já kulttuurministeriön.
Šleđgâpostâčujottâs: kirjaamo.okm@gov.fi
Postâčujottâs:
Gollegiella-árvuštâllâmkomitea
Kulttuur- já taaiđâpolitik uásádâh
Máttááttâs- já kulttuurministeriö
PL 29
00023 Valtioneuvosto
