Sämitigge ocá sosiaal- já tiervâsvuotâaašij sierânâsäššitobdee virgesajasii

Sämitige sosiaal- já tiervâsvuotâaašij sierânâsäššitobdee pargoh láá luvâttâllum Sämitige pargo-oornigist saajeest 46 §. Sierânâsäššitobdee pargon lii ei. valmâštâllâđ sämmilij sosiaal- já tiervâsvuođâhuolâttâsân kyeskee aašijd, eromâšávt ovdâsvástádâssân sämmilij vuáđupalvâlusâi turviimân já oovdedmân lohtâseijee ääših já sämmilij vuáđuvuoigâdvuođâi já kielân ja kulttuurân kyeskee jiešhaldâšem olášume ovdedem sosiaal- já tiervâsvuođâhuolâttâsân kyeskee miärádâstohâmist. Lasseen sierânâsäššitobdee hoittáá sämikielâlij sosiaal- já tiervâsvuotâpalvâlusâi turviimân já oovdedmân čujottum staatâtorjuu haaldâšmân já toorjâmiärádâsâi valmâštâlmân ja torjuu kiävtu čuávumân já kocemân lohtâseijee staatâtoorjâvirgeomâháá pargoid sehe tuáimá sosiaal- já tiervâsvuotâlävdikode oovdânpyehten já čällen.

Sosiaal- já tiervâsvuotâaašij sierânâsäššitobdee tuáimá noonâ oovtâstpargoost sosiaaltorvo já ovdedem sierânâsäššitobdein.

Palvâluskoskâvuođâ tiäđuh

Virgesajasâšvuotâ álgá sopâmuš mield nuuvt jotelávt ko máhđulâš. Virgesajasâšvuotâ pištá njuhčâmáánu 2027 räi.

Pargo tevdimist nuávdittuvvoo kuulmâ mánuppaje keččâlemäigi.

Sosiaal- já tiervâsvuotâaašij sierânâsäššitobdee pargo kulá Sämitige almos toimâttâhân. Sämitige toimâsaje lii Säämi kulttuurkuávdáš Sajosist, Anarist. Pargo lii máhđulâš porgâđ uásild káiduspargon.

Occest mij vyerdip

Asâttâsân vuáđuduvvee tohálâšvuođâvátámâššân lii pargo vaattâm škovlim já lasseen váttoo sämikielâ mättim (Sämitige pargo-oornig 71 §). Pargo miänástuvvee hoittáámist iššeed hiäivulâš ollâškovlâtođhos, vijđes sämmilii sosiaal-, tiervâsvuođâsyergi, sämikulttuur já haaldâtlij pargoi tubdâm sehe noonâ mättim staatâtorjui haaldâšmist já čuávumist sehe šiev oovtâstpargo- já vuáruvaikuttâstááiđuh. Mij vyerdip kiärgusvuođâ jiečânâs já ovdâsvástádâslii porgâmân sehe šiev tedduuhaldâšemnaavcâid.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 31.7.2026 räi taan uuccâmluámáttuv peht (lekkâs uđđâ laasân):

• Uuccâmluámáttâh

Lasetiäđuh pargoost addel 13.–19.7. já 27.–31.7.2026 pargoviehâhovdâ Ida Pirttijärvi, puh. 040 660 77 22 já ida.pirttijarvi@samediggi.fi.

Sämitige tooimân puáhtá uápásmuđ čujottâsâst www.samediggi.fi

Anarist 13.7.2026
Sämitigge