Sääʹmteʹǧǧ ååcc sosiaal- da tiõrvâsvuõttaaʹšši sueʹrǧǧäʹšštobddi veeʹrjsâjjsa
Sääʹmteʹǧǧ iʹlmmat ooccâmnalla sosiaal- da tiõrvâsvuõttaaʹšši sueʹrǧǧäʹšštobddi veeʹrjsâjjsažvuõđ.
Sääʹmteeʹǧǧ sosiaal- da tiõrvâsvuõttaaʹšši sueʹrǧǧäʹšštoobdi tuâj liâ looǥǥtõllum Sääʹmteeʹǧǧ tuâjjriâššmõõžž pääiʹǩest 46 §. Sueʹrǧǧäʹšštoobdi tuâjjan lij ouddm. valmštõõllâd säʹmmlai sosiaal- da tiõrvâsvuõtthuâl kuõskki aaʹššid, jeäʹrben vasttõsvuʹvdden säʹmmlai vuâđđkääzzkõõzzi tuõrvvmõʹšše da ooudâs viikkmõʹšše õhttneei aaʹššid da Säʹmmlai vuâđđvuõiggâdvuõđi di ǩiõl- ja kulttuur kuõskki jiõččvaaldâšm teâuddjummuž ooudâsviikkmõš sosiaal- da tiõrvâsvuõtthuâl kuõskki tuʹmmstõktuâjast. Lââʹssen sueʹrǧǧäʹšštobddi håidd sääʹmǩiõllsai sosiaal- da tiõrvâsvuõttkääzzkõõzzi tuõrvvmõššân da ooudâs viikkmõššân čuäʹjtum riikkveäʹǩǩtieʹǧǧ vaaldšummša, di veäʹǩǩteäʹǧǧtuʹmmstõõǥǥi valmštõõllmõšše, da veäʹǩǩtieʹǧǧ âânnmõõžž spraavummša da vuåppmõʹšše õhttneei riikkveäʹǩǩveʹrǧǧneeʹǩǩ tuâjaid, di tåimmad sosiaal- da tiõrvâsvuõttluʹvddkååʹdd čiõʹlǧǧeeʹjen da piisren.
Sosiaal- da tiõrvâsvuõttaaʹšši sueʹrǧǧäʹšštobddi tåimm aktiivlaž õhttsažtuâjast sosiaalstaan da ooudâsviikkmõõžž sueʹrǧǧäʹšštobddjin.
Kääzzkõskõskkvuõđ teâđ
Veeʹrjsâjjsažvuõtt älgg suåppmõõžž mieʹldd vueiʹtlva sõrgg. Veeʹrjsâjjsažvuõtt peštt pâʹsslašttâm-mannu 2027 räjja.
Tuâj teâuddmõõžžâst jääʹǩǩtet kooum määnpââʹj ǩiččlõddâmääiʹj.
Sosiaal- da tiõrvâsvuõttaaʹšši sueʹrǧǧäʹšštoobdi tuâjj sâjjdâtt Sääʹmteeʹǧǧest takai konttra. Sääʹmteeʹǧǧ tåimmpäiʹǩǩ lij Sääʹmkulttuurkõõskõs Sajoozzâst, Aanrest. Tuâj lij vueiʹtlvaž tuejjeed vuäzzas ougglõstuâjjan.
Ooʒʒjest vueʹrddep
Šiõttõsvuâđlaž ââʹntemõõlǥtõssân lij tuâj õõlǥtem suåvlaž škooultõs da lââʹssen õõlǥtet sääʹmǩiõl tääid (Sääʹmteeʹǧǧ tuâjjriâššmõš 71 §). Tuâj oʹnnsteeʹjes håiddmõõžž ooudâsvieʹǩǩat ânnʼjõõvvi õllškooultuʹtǩǩõs, veiddsõs sääʹm sosiaal-, tiõrvâsvuõttsueʹrj, sääʹmkulttuur da vaaldšemvuõđlai tuâjai tobddmõš da raavâs silttummuš riikkveäʹǩǩtieʹǧǧi vaaldšummšest da praavmõõžžâst di pueʹr õhttsažtuâjj- da vuârrvaaiktemtääid. Vueʹrddep vaalmâšvuõđ jiõččniʹžže, vasttõõzzlaž tuõjju di pueʹrr teäddǩiõrddâmpâstlvažvuõđ.
Päʹlǩǩvuõtt
Paʹlǩǩvuõtt meäʹrtââvv Sääʹmteeʹǧǧ paʹlǩǩvuõttriâžldõõǥǥ väʹǯǯelvuõtt-tääʹzz IV/II mieʹldd, vuâđđpäʹlǩǩ 2998,97 euʹrred/mp). Vuâđđpääʹlǩ lââʹssen määuʹset sääʹm dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiõččtäättlaž, jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 31.7.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna):
Lââʹssteâđaid tuâjast oudd ääiʹjest 13.–19.7. da 27.–31.7.2026 tuâjjlažkåʹddjååʹđteeʹjj Ida Pirttijärvi, teʹl. 040 660 77 22 ja ida.pirttijarvi@samediggi.fi.
Sääʹmteeʹǧǧ tåimmjummša vuäitt tobdstõõttâd addrõõzzâst www.samediggi.fi.
Aanrest 13.7.2026
Sääʹmteʹǧǧ
