Sámediggi ohcá sosiála- ja dearvvasvuohtaáššiid erenoamášáššedovdi virgesadjásačča
Sámediggi almmuha ohcanláhkai sosiála- ja dearvvasvuohtaáššiid erenoamášáššedovdi virgesadjásašvuođa.
Sámedikki sosiála- ja dearvvasvuohtaáššiid erenoamášáššedovdi barggut leat logahallojuvvon Sámedikki bargoortnega čuoggás 46 §. Erenoamášáššedovdi bargun lea ee. válmmaštallat sámiid sosiála- ja dearvvasvuođafuolahusa guoski áššiid, erenoamážit vástosuorgin lea sámiid vuođđobálvalusaid sihkkarastimii ja ovddideapmái laktáseaddji áššit ja sámiid vuođđovuoigatvuođaid ja maid giela- ja kultuvrra guoski iešráđđema ollašuvvama ovddideapmi sosiála- ja dearvvašvuođafuolahusa guoski mearrádusbargamis. Dasa lassin erenoamášáššedovdi dikšu sámegielat sosiála- ja dearvvasvuohtabálvalusaid sihkkarastimii ja ovddideapmái čujuhuvvon stáhtadoarjaga hálddašeapmái, ja doarjjamearrádusaid válmmaštallamii, ja doarjaga geavaheami čuovvumii ja gohcimii laktáseaddji stáhtadoarjjaeiseválddi bargguid, ja doaibmá sosiála- ja dearvvasvuohtalávdegotti áššemeannudeaddjin ja čállin.
Sosiála- ja dearvvasvuohtaáššiid erenoamášáššedovdi doaibmá lávga ovttasbarggus sosiáladorvvu ja ovddideami erenoamášáššedovdiin.
Bálvalangaskavuođa dieđut
Virgesadjásašvuohta álgá soahpamuša mielde nu jođánit go vejolaš. Virgesadjásašvuohta bistá njukčamánu 2027 rádjai.
Barggu deavdimis čuvvojuvvo golmma mánotbaji geahččalanáigi.
Sosiála- ja dearvvasvuohtaáššiid erenoamášáššedovdi bargu gullá Sámedikki almmolaš doaimmahahkii. Sámedikki doaibmabáiki lea Sámekulturguovddáš Sajosis, Anáris. Barggu sáhttá bargat oassái gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man virgi eaktuda, ja dasa lassin gáibádussan lea sámegiela máhttu (Sámedikki bargoortnet 71 §). Doaimma ceavzilis dikšuma veahkeha heivvolaš allaskuvladutkkus, viiddes sámiid sosiála- ja dearvvasvuohtasuorggi, sámekultuvrra ja hálddahuslaš doaimmaid dovdámuš ja nana máhttu stáhtadoarjagiid hálddašeamis ja čuovvumis ja maid buorit ovttasbargo- ja gulahallandáiddut. Mii vuordit válmmašvuođa iešráđálaš, vásttolaš bargamii ja buori streassa gierdannávcca.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 31.7.2026 dán elektrovnnalaš ohcamušskovi bokte (rahpasa ođđa lássii):
Lassedieđuid barggus addá áiggis 13.–19.7. ja 27.–31.7.2026 bargiidhoavda Ida Pirttijärvi, tel. 040 660 77 22 ja ida.pirttijarvi@samediggi.fi.
Sámedikki doibmii sáhttá oahpásmuvvat čujuhusas www.samediggi.fi
Anáris 13.7.2026
Sámediggi
