Minister Juuso já Sämitige jurbâ peevdi teeman sämikielâliih palvâlusah pyereestvaijeemkuávluin
Sosiaal- já tiervâsvuođâminister Kaisa Juuso oovtâst Sämitiggijn čuákán koččom jurbâ peevdi savâstâlmist skammâmáánu 20. peeivi vuájuh sämikielâláid já kulttuurmiäldásáid sosiaal- já tiervâsvuođâpalvâlussáid.
Ulmen lii minister Juuso jođettâsâst rähtiđ oleskove sämikielâlij já kulttuurmiäldásij palvâlusâi tiileest tääl, ko pyereestvaijeemkuávluh láá toimâškuáttám. Ulmen lii meid lasettiđ vuárusavâstâllâm sierâ tuáimei kooskâst já lasettiđ oovtâstpargo sämikielâlij já kulttuurmiäldásij palvâlusâi turvim várás. Ton lasseen uásálistein lii máhđulâšvuotâ pajediđ oovdân meid eres tehálijd koččâmušâid eereeb iärrás palvâlusâi ruttâdmist já palvâlusâi finniimist sehe eres äigikyevdilijn teemain.
Jurbâ peevdi savâstâlmân uásálisteh ovdâsteijeeh Sämitiggeest, Laapi pyereestvaijeemkuávlust, Laapi kuávluhaldâttâhvirgáduvâst, Tiervâsvuođâ- já pyereestvaijeem lájádâsâst, Aalmugiäláttâhlájádâsâst, Sämmilij tuotâvuotâ- já sovâdâttâmkomissiost sehe sämmilii psykososiaallii torjuu ohtâduvâst (Uvjj – Uvjâ – Uvja), staatârääđi kansliast, sosiaal- já tiervâsvuođâministeriöst já riehtiministeriöst.
Lasetiäđuh:
Sosiaalräđiolmooš Juha Luomala, sosiaal- já tiervâsvuođâministeriö p. 0295 163 492
II värisaavâjođetteijee Tuomas Aslak Juuso, Sämitigge, p. 040 687 3394
