Sämitige saavâjođetteijee teeivâi uáiviminister Sanna Marin
Sämitige saavâjođetteijee Tuomas Aslak Juuso já suu delegaatio teivii uáiviminister Sanna Marin tuorâstuv 12.8.2021 Siätutáálust Helsigist.
Sämitigge já uáiviminister Sanna Marin teivii vuossâmuu tove taan valjâpaajeest. Teivâdmist sij savâstâllii ei. sämitiggelaavâ uđâsmitmist, sämmilij tuotâvuotâ- já sovâdâttâmproosees ovdánmist sehe Sämitige ekonomâlâš tiileest.
”Lii tuođâi tehálâš, ete Suomâ uáiviminister já Sämitige saavâjođetteijee teivâv, vâi Suomâst ässee kyevti aalmug, sämmilij já syemmilij koskâvuođah ovdáneh já maneh ovdâskulij”, paahud saavâjođetteijee Tuomas Aslak Juuso.
Lasetiäđuh:
Tuomas Aslak Juuso
Saavâjođetteijee
040 687 3394
tuomas.juuso@samediggi.fi
