Sämitige valjâlävdikodde ocá toimâttâhčällee sajasii
Sämitige valjâlävdikodde almoot uuccâmnáál toimâttâhčällee virgesajasâšvuođâ.
Toimâttâhčällee pargon lii valjâlävdikode vuálásâžžân huolâttiđ ive 2027 sämitiggevaaljâi valmâštâlmân já olášutmân lohtâseijee pargoin, moh láá ei. puáttee já vyelgee poostâ diarisistem, valjâäššikiirjij postâdem valmâštâllâm, äššikiirjij kopijistem já postâdem sehe eres táváliih toimâttâhpargoh já valjâlävdikode čällee sierâ meridem pargoh.
Palvâluskoskâvuođâ tiäđuh
Sajasâšvuotâ álgá 20.7.2026 tâi sopâmuš mield já tot pištá 28.2.2027 räi.
Pargo tevdimist nuávdittuvvoo kuulmâ mánuppaje keččâlemäigi.
Valjâlävdikode toimâsaje lii Säämi kulttuurkuávdáš Sajosist, Anarist.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm hiäivulâš škovlim já sämikielâ mättim (Sämitige pargo-oornig 71 §). Hárjánem valjâlävdikode pargoost annoo hiättun.
Pälkki
Pälkki miärášuvá Sämitige pälkkivuáháduv vátávâšvuotâtääsi VI já II juávhu mield (vuáđupälkki 2 193,12 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, sehe rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 15.6.2026 räi taan uuccâmluámáttuv peht (lekkâs uđđâ laasân):
Lasetiäđuid pargoost addel valjâlävdikode čällee Maria Valkeapää puh. 040 530 9513.
Sämitige tooimân puáhtá uápásmuđ nettičujottâsâst www.samediggi.fi
Anarist 1.6.2026
Sämitigge
