Sämitige valjâlävdikodde ocá valjâlävdikode čällee
Sämitige valjâlävdikodde almoot uuccâmnáál valjâlävdikode čällee meriáigásii pargo.
Pargo álgáččij tállân tâi sopâmuš mield já pištáččij 31.12.2027 räi. Valjâlävdikode toimâsaje lii Säämi kulttuurkuávdáš Sajosist, Anarist. Čällee pargon lii ei. valjâlävdikode vuálásâžžân valmâštâllâđ já olášuttiđ vaaljâid sehe toimâđ valjâlävdikode oovdânpyehten čuákkimijn.
Asâttâsân vuáđuduvvee tohálâšvuođâvátámâššân lii pargo vaattâm škovlim já sämikielâ máttu (asâttâs 1727/95). Pargo miänástuvvee hoittáámist iššeed hiäivulâš ollâškovlâtođhos sehe haaldâtlij pargoi já sämmilijd kyeskee vuoigâdvuođâlij aašij tubdâm. Hárjánem valjâlävdikode pargoin annoo hiättun.
Pälkki miärášuvá Sämitige pälkkivuáháduv vátávâšvuotâtaasij III/I-II – IV/I mield (vuáđupälkki kooskâst 3539,97–3134,23 eurod /mp). Vuáđupäälhi lasseen pargoost máksojeh 24 % sämikuávlu lase já pargohárjánem mield miärášuvvee hárjánemlaseh.
Ucâmušâid lahtosijguin kalga toimâttiđ Sämitige čäällimkoodán 8.10.2025 räi taan šleđgâlii uuccâmluámáttuv peht (lekkâs uđđâ laasân): Uuccâmluámáttâh
Lasetiäđuid pargoost addel haldâttâhhovdâ Pia Ruotsala-Kangasniemi puh. 040 726 2688.
Sämitige tooimân puáhtá uápásmuđ nettičujottâsâst www.samediggi.fi
Anarist 24.9.2025
Sämitige valjâlävdikodde
