Sämitigge ocá meriáigásii anarâškielâlii oppâmaterialij proojeektpargee

Proojeektpargee pargoh lohtâseh anarâškielâ oppâmaterialij sehe eres oppâamnâsij anarâškielâlij oppâmaterialij pyevtitmân. Proojeektpargee parga noonâ oovtâstpargoost anarâškielâlijn oppâmaterialvuávájeijein.

Palvâluskoskâvuođâ tiäđuh

Meriáigásâš pargo álgáččij uđđâivemáánu 2026 ääigi sopâmuš mield já pištá 31.12.2026 räi.

Pargo tevdimist nuávdittuvvoo neelji mánuppaje keččâlemäigi.

Oppâmateriaaltoimâttuv toimâpäikki lii Säämi kulttuurkuávdáš Sajosist, Anarist, mutâ pargo lii máhđulâš porgâđ uásild káiduspargon.

Occest mij vyerdip

Asâttâsân vuáđuduvvee tohálâšvuođâvátámâššân lii pargo vaattâm škovlim já anarâškielâ máttu (asâttâs 1727/95). Pargo miänástuvvee hoittáámist iššeed anarâškielâlii oppâmaterialtile (eromâšávt algâmáttááttâs materialeh) tubdâm, pargohárjánem oppâmaterialij proojeektpargee pargoin, pyeri sämikulttuur tubdâm, huolâlâšvuotâ já pyereh vuáruvaikuttâstááiđuh.

Pälkki

Pälkki miärášuvá Sämitige pälkkivuáháduv vátávâšvuotâtääsi V/I mield (vuáđupälkki 2762,37 eurod/mp).  Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 4.1.2026 räi taan uuccâmluámáttuv peht (lekkâs uđđâ laasân). Uuccâmluámáttâh

Lasetiäđuid pargoost adelává haldâttâhhovdâ Pia Ruotsala-Kangasniemi, puh. 040 726 2688 sehe pargoviehâhovdâ Ida Pirttijärvi, puh. 040 660 77 22.

Sämitige tooimân puáhtá uápásmuđ nettičujottâsâst www.samediggi.fi.

Anarist 22.12.2025
Sämitigge