Sämitiggelahâaasâtmân kyeskee 9 § miäldásijn ráđádâlmijn lii finnejum ráđádâllâmpuáđus
Sämitigge já riehtiministeriö ráđádâllii sämitiggelaavâ iävtuttâshammiittâsâst sämitiggelaavâ 9 § miäldásávt onne juovlâmáánu 1. peeivi 2023.
Riehtiministeriö já Sämitigge láá ráđádâllâm pyeri oovtâstpargoost sämitiggelahâaasâtmist.
Ráđádâllâmpuáđus lii vaalmâš ovdániđ äigitaavlu mield majemustáá ive 2023 loopâst haldâttâsohjelm merkkim vuáđuld. Iävtuttâs šadda almolâžžân, ko tot adeluvvoo staatârääđist.
– Mun lam tuđâvâš toos, ete mist lii ráđádâllâmpuáđus já sämitiggelaavâ uđâsmittem ovdán haldâttâsohjelm merkkim miäldásávt, iätá Sämitige saavâjođetteijee Tuomas Aslak Juuso.
Sämitiggelaavâ iävtuttâshammiittâs ráđádâlmáid 9 § mield uásálistii riehtiminister Leena Meri, staatâčällee Teija Makkonen, uásádâhhovdâ Johanna Suurpää já ráđádâllee virgeolmooš Yrsa Nyman riehtiministeriöst sehe saavâjođetteijee Tuomas Aslak Juuso, I värisaavâjođetteijee Anni Koivisto, II värisaavâjođetteijee Leo Aikio, ovdâsteijee Pirita Näkkäläjärvi já lahâčällee Kalle Varis Sämitiggeest.
Uáiviminister Petteri Orpo haldâttâsohjelm mield haldâttâs iävtuttâs sämitiggelaavâst adeluvvoo majemustáá ive 2023 loopâst kansliahovdâ Timosii toimâkode pargo vuáđuld oovtâstpargoost Sämitiggijn.
Lasetiäđuh:
Tuomas Aslak Juuso
Saavâjođetteijee
040 687 3394
tuomas.juuso@samediggi.fi
