Barents Euroarktâsii rääđi algâaalmugpargojuávkku orniimin nube EU-sämmilâšnjunoščuákkim

Vuossâmuu tove paijeel kyevti ive maŋa Barents algâaalmugij pargojuávkku (WGIP) čokkânij juovlâmáánu loopâst njunáluvâi savâstâllâđ pargojuávhu tehálijn aašijn já ton puátteevuođâst. Taat čuákkim tooimâi tehálâžžân vuáđđun raajijd rastaldittee oovtâstpaargon.

Kove: European Union 2023 – Source : EP

Čuákkim ohtâ tehálumos miärádâs lâi orniđ nube EU sämmilâšnjunoščuákkim (EU Sámi Summit), mon ulmen lii lääččiđ já nanodiđ EU-tääsi oovtâstpargo. Pargojuávhu saavâjođetteijee Janne Hirvasvuopio oovdânpuovtij jieijâs tuoivuu tast, ete sämisiärvádâh parga oovtâst pargo raajij rasta vâi puáhtá lasettiđ EU tiäđulâšvuođâ sämmilâšaašijn: 

Mij kolgâp aktiivlávt muštottiđ Bryssel tast, ete mij lep tääbbin já sämmiliih čujotteh kiäinu jieijâs puátteevuotân. 

Sämmilâšnjunoščuákkim ruttâduvvoo pargojuávhu jieijâs, sämitiigij ulguupiälásijn ruttâdmijn já lasseen eres ulguupiälásiih ruttâdemmáhđulâšvuođah kärttejuvvojeh. Ton lasseen kyeimikoskâvuođâid viggeh huksiđ raajij rasta sämmilii aalmugohtsâškoddeest, sämmilâšinstituutioin já puoh sämitiigijn.

Mun tuáivum, ete taat nubbe njunoščuákkim puáhtá sämmilijd ohtsii pargo piällás, mii lii ävkkin puoh sämmilijd, Hirvasvuopio paahud. 

Pargojuávkku keevtij meid tilálâšvuođâ Tave-enâmij kriittâlij olmoošvuoigâdvuotâkoččâmušâi kieđâvušmân. Pargojuávkku puovtij taid huolâid oovdân Suomâ olmoošvuoigâdvuotâkuávdážân, mii lii čonâdâttâm porgâđ oovtâstpargo tai hástusij čuávdim várás. 

Ton lasseen pargojuávkku teeivâi Suomâ Barents stuorrâvuolgâttâhhoovdâ Marja Joenusva já čaaitij kijttevâšvuođâ suu kunnijâttee aldanemvyevist puoh ráđádâlmijn, moh láá lamaš suu toimâttuv já Suomâ Sämitige kooskâ. Ko Suomâ majemuš Barents-oovtâstpargoihe vuálgá joton, te pargojuávkku nanodij čonâdâttâm pehtilis oovtâstpaargon já ovdedeijee savâstâllâm paijeentolâmân pargojuávhu já Suomâ haldâttâs kooskâ. 

Čuákkim savâstâlmeh já miärádâsah uáivildeh merhâšittee ovdánem Barents-oovtâstpargo hástusij kieđâvušmist Säämi raajij rasta. Toh tiädutteh meid maaŋgâikoskâsii oovtâstpargo jotkum tehálâšvuođâ. 

Lasetiäđuh:
Janne Hirvasvuopio
Barents euroarktâsii rääđi algâaalmugpargojuávhu saavâjođetteijee
janne.k.hirvasvuopio@gmail.com
+358 50 533 7016


Jyevi siijđo ovdâskulij

Eres uđđâseh