Barents Euroárktalaš ráđi eamiálbmotbargojoavku ordnemin nuppi EU alladási sámečoahkkima
Vuosttas háve badjel guovtte jahkái Barents eamiálbmogiid bargojoavku (WGIP) čoahkkanii njunnálagaid ságastallat juovlamánu loahpas bargojoavkku guovddáš áššiin ja dan boahttevuođas. Dát čoahkkin doaimmai dehálaš vuođđun ovttasbargui, mii ollá rájáid badjel.

Okta daid čoahkkima deháleamos mearrádusain lei ordnet nuppi EU alladási sámečoahkkima (EU Sámi Summit), man mihttomearrin lea ráhkadit ja nannet EU dási ovttasbarggu. Bargojoavkku ságajođiheaddji Janne Hirvasvuopio ovdanbuvttii sávaldaga das, ahte sámesearvvuš bargá ovttas barggu, mii ollá rájáid badjel, lasihan dihte EU diđolašvuođa sámeáššiin:
–Mii galgat aktiivvalaččat muittuhit Bryssel das, ahte mii leat dáppe ja mii sámit dihkkádit luotta iežamet boahttevuođa várás.
Alladási sámečoahkkin ruhtaduvvo bargojoavkku iežas, Sámedikki olggobeale ruhtademiin, man lassin eará olggobeale ruhtadanmáŧolašvuođat gártejuvvojit. Dan lassin geahččaluvvo oktavuođaide badjel rájáid sámeservošis, sámeinstitušuvnnain ja maidddái buot Sámedikkiin.
–Sávan, ahte dát nubbi alladási čoahkkin buktá sámiid oktasaš ražasteami lusa, mas ávkašuvvet buot sámit, Hirvasvuopio gávnnaha.
Bargojoavku geavahii maiddái dilálašvuođa ávkin, go gieđahalai fuolastuhtti olmmošriektegažaldagaid Davviriikkain. Bargojoavku ovdanbuvttii dáid fuolaid Suoma olmmošriekteguovddážii, mii lea čatnasan bargat ovttasbarggu dáid hástalusaid čoavdima beales.
Dan lassin bargojoavku deaivvadii Suoma Barents-ambassadevra Marja Joenusvain ja ovdanbuvttii giitevašvuođa su ustitlaš doaibmanvuogis buot ráđđádallamiin su doaimmahaga ja Suoma Sámedikki gaskkas. Go Suoma maŋimuš Barents-ovttasbargojahki álggii, bargojoavku nannii iežas čatnašumi beaktilis ovttasbargui ja mávssolaš gulahallama bajásdoallamii bargojoavkku ja Suoma ráđđehusa gaskkas.
Čoahkkima ságastallamat ja mearrádusat mearkkašit dehálaš ovdáneami Barents-ovttasbarggu hástalusaid gieđahallamis Sámeeatnama rájáid badjel. Dat deattuhit maiddái máŋgga oassebeali gaskasaš ovttasbarggu joatkašuvvama dehálašvuođa.
Lassidieđut:
Janne Hirvasvuopio
Barents Euroárktalaš ráđi eamiálbmotbargojoavkku ságajođiheaddji
janne.k.hirvasvuopio@gmail.com
+358 50 533 7016