Sämitigge ocá meriáigásii raavâdviäsupargee Raavâdviäsu Čaijun
Säämi kulttuurkuávdáš Sajosist Anarist lii raavâdviäsu Čaiju, mii tuáimá kulttuurkuávdáá raavâdviäsun já Saijoos tábáhtusâi já čuákkimij raavâdviäsupalvâlusâi västideijee pyevtitteijen.
Raavâdviäsu Čaiju lii áávus argâpeeivij jyehi peeivi já tuáimá peivimäälisraavâdviäsun já kähviviäsun, mutâ uási raavâdviäsu Čaiju piäiválijn pargoin lii čuákkimij já sierâlágánij kulttuurkuávdáást tollum tábáhtusâi kähvikuásutmij já puurâdmij olášuttem. Raavâdviäsust porgâv fastâ piäiválii tooimâst västideijee kokkâ já raavâdviäsupargee.
Meriáigásii raavâdviäsupargee maaŋgâpiäláliih pargoh aneh sistees äššigâspalvâlem, kähviviäsu- já raavâdviäsupyevtittâsâi mälistem, čuákkim- já tábáhtusfaalâdmijd já eres táválijd piäiválijd pargoid raavâdviäsust sehe lájádâshuolâtteijee pargoost išedem.
Meriáigásâš raavâdviäsupargee tuáimá uássin Saijoos palvâlemohtâduv tiimi, noonâ oovtâstpargoost raavâdviäsu eres pargeiguin.
Palvâluskoskâvuođâ tiäđuh
Meriáigásâš pargo álgáččij sopâmuš mield nuuvt jotelávt ko máhđulâš já tot pištá 12 mánuppaijeed. Pargoäigi lii 80-100 %, ađai 29 h-36 h 15 min/okko.
Pargo pargoo Säämi kulttuurkuávdáš Saijoos raavâdviäsu Čaijust, Anarist. Pargoäigi lii iänááš argâpeeivij tme 8–16. Pargo tevdimist nuávdittuvvoo neelji mánuppaje keččâlemäigi.
Occest mij vyerdip
Asâttâsân vuáđuduvvee tohálâšvuođâvátámâššân lii hiäivulâš škovlim já sämikielâ mättim (Sämitige pargo-oornig 71 §). Paargon väljejum ulmust kalga leđe hygieniapassâ, alkoholpassâ annoo hiättun. Pargo miänástuvvee hoittám váátá pargohárjánem västideijee pargoin, eŋgâlâskielâ tááiđu sehe njyebžilvuođâ já šiev äššigâspalvâlemtááiđuid.
Pälkki
Pälkki miärášuvá Sämitige pälkkivuáháduv vátávâšvuotâtääsi VI/III mield (vuáđupälkki 2127,68 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 7.9.2026 räi taan uuccâmluámáttuv peht (lekkâs uđđâ laasân).
Lasetiäđuid pargoost adelává markkânistemhovdâ Oula Guttorm, oula.guttorm@samediggi.fi, puh. 040 575 5332 já västideijee kokkâ Sari Mikkola, caiju@samediggi.fi ja puh. 040 588 4062
Sämitige tooimân puáhtá uápásmuđ nettičujottâsâst www.samediggi.fi já Säämi kulttuurkuávdáš Saijoos tooimân čujottâsâst www.sajos.fi
Anarist 24.8.2026
Sämitigge
