Sämitigge ocá raavâdviäsupargee kesipaargon Raavâdviäsu Čaijun
Säämi kulttuurkuávdáš Sajosist Anarist lii raavâdviäsu Čaiju, mii tuáimá kulttuurkuávdáá raavâdviäsun já Saijoos tábáhtusâi já čuákkimij raavâdviäsupalvâlusâi västideijee pyevtitteijen.
Raavâdviäsu Čaiju lii áávus argâpeeivij jyehi peeivi já tuáimá peivimäälisraavâdviäsun já kähviviäsun, mutâ uási raavâdviäsu Čaiju piäiválijn pargoin lii čuákkimij já sierâlágánij kulttuurkuávdáást toollâmnáál tábáhtusâi kähvikuásutmij já puurâdmij olášuttem. Raavâdviäsust porgâv fastâ piäiválii tooimâst västideijee kokkâ já raavâdviäsupargee.
Meriáigásii raavâdviäsupargee maaŋgâpiäláliih pargoh aneh sistees äššigâspalvâlem, kähviviäsupyevtittâsâi mälistem, čuákkim- já tábáhtusfaalâdmijd já eres táválijd piäiválijd pargoid raavâdviäsust sehe lájádâshuolâtteijee pargoost išedem.
Palvâluskoskâvuođâ tiäđuh
Meriáigásâš pargo álgáččij 22.6.2026 já tot pištá porgemáánu loopâ räi tâi sopâmuš mield.
Pargo pargoo Säämi kulttuurkuávdáš Saijoos raavâdviäsust Čaijust, Anarist. Pargoäigi lii iänááš argâpeeivij tme 8–16. Pargo tevdimist nuávdittuvvoo mánuppaje keččâlemäigi.
Occest mij vyerdip
Asâttâsân vuáđuduvvee tohálâšvuođâvátámâššân lii pargo vaattâm hiäivulâš škovlim já lasseen váttoo sämikielâ mättim (asâttâs 1727/95). Paargon väljejum ulmust kalga leđe hygienia- já alkoholpassâ. Pargo miänástuvvee hoittám váátá pargohárjánem västideijee pargoin, eŋgâlâskielâ mättim sehe njyebžilvuođâ já šiev äššigâspalvâlemtááiđuid.
Pälkki
Pälkki miärášuvá Sämitige pälkkivuáháduv vátávâšvuotâtääsi VI/III mield (vuáđupälkki 2127,68 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.
Uuccâm
Uuccâmluámáttuv, rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 11.5.2026 räi taan uuccâmluámáttuv peht (lekkâs uđđâ laasân):
Lasetiäđuid pargoost adelává markkânistemhovdâ Oula Guttorm, oula.guttorm@samediggi.fi, puh. 040 575 5332 já västideijee kokkâ Sari Mikkola, caiju@samediggi.fi ja puh. 040 588 4062
Sämitige tooimân puáhtá uápásmuđ nettičujottâsâst www.samediggi.fi
Anarist 20.4.2025
Sämitigge
