Sääʹmteʹǧǧ ååcc restrantt-tuâjjla ǩieʹsstuõjju Čaiju Restraʹntte
Sääʹmkulttuurkõõskõs Sajoozzâst Aanrest sâjjdâtt Restrantt Čaiju, kååʹtt tåimm kulttuurkõõskõõzz restranttân da Sajoozz noorõõttmõõžži da såbbri resttranttkääzzkõõzzin vaʹstteei puuʹtʼteeʹjen. Resttrantt Čaiju lij äävai arggpeeiʹvi peiʹvvporrmõš- da kååʹffpäiʹǩǩen, leša pieʹǩǩ Resttrantt Čaiju juõʹǩǩpeivvsaž tuâjain nårrai såbbri da jeeʹresnallšem kulttuurkõõskõõžžâst ââʹnnem šõddmõõžži kååʹff da porrmõõžži taʹrjjummšest. Resttraantâst liâ tuâjast tän poodd põõšši juõʹǩǩpeivvsaž tåimmjummšest vaʹstteei kokk da restrantt-tuâjjlaž.
Mieʹrräiggsa restrantt-tuâjjla määŋgpeällsaž tuâj âʹnne seʹst äʹššneǩ-kääzzkõstuâj, kååʹffhääʹrči raajjmõš, sååbbar- da noorõõttmõõžžin taʹrjjummuž, da jeeʹres restraant takai juõʹǩǩpeivvsaž tuâj di strooiʹtelhuâllai tuâjast vieʹǩǩtummuš.
Kääzzkõskõskkvuõđ teâđ
Mieʹrräiggsaž tuâjj äälǥči 22.6.2026 da tõt peštt påʹrǧǧmannu loʹppe leʹbe suåppmõõžž mieʹldd.
Tuâj tueʹjjeet Sääʹmkulttuurkõõskõs Sajoozz Restrantt Čaijust, Aanrest. Tuâjjäiʹǧǧ lij tääuʹjmõsân arggpeeiʹvi 8–16. Tuâj teâuddmõõžžâst jääʹǩǩtet kuuđ määnpââʹj ǩiččlõddâmääiʹj.
Ooʒʒjest vueʹrddep
Šiõttõsvuâđlaž ââʹntemkaiʹbbjõssân lij tuâj õõlǥtem suåppi škooultõs da lââʹssen õõlǥtet sääʹmǩiõl tääid (asetõs 1727/95). Tuõjju vaalšum tuâjjlast âlgg leeʹd hygienia- da alkohoolpaass. Tuâj oʹnnsteeʹjes håiddmõš õõlǥat tuâjjǩiõččlâsttmõõžž vaʹstteei tuâjain, eŋgglõsǩiõl silttummuž di njueʹbǯǯlõsvuõđ di pueʹrr äʹššneǩ-kääzzkõstääidaid.
Päʹlǩǩvuõtt
Päʹlǩǩvuõtt meäʹrtââvv Sääʹmteeʹǧǧ paʹlǩǩriâžldõõǥǥ väʹǯǯelvuõtt-tääʹzz VI/III meâldlânji (vuâđđpäʹlǩǩ 2127,68 euʹrred/mp). Vuâđđpääʹlǩ lââʹssen määuʹset säʹmmlai dommvuuʹdest tuâj tuejjeen 24 % sääʹmvuuʹd lââʹss da tuâjjǩiõččlâsttmõõžž mieʹldd meäʹrtõõvvi ǩiõččlâʹsttemlââʹzz.
Ooccmõš
Ooccâmlomakk, di jiijjâs maall meâldlaž ooccmõšǩeʹrjj di vueiʹtlvaž tuâjjpäiʹǩǩloǥstõk da jeeʹres meâlddõõzz âʹlǧǧe tååimted Sääʹmteeʹǧǧ piisarkådda 11.5.2026 mõõneeʹst tän liâdǥlaž ooccâmlomaakk pääiʹǩ (ävvan ođđ ikkna).
Lââʹssteâđaid tuâjast ouʹdde markknâʹsttemjååʹđteeʹj Oula Guttorm, oula.guttorm@samediggi.fi, teʹl. 040 575 5332 da vaʹstteei kokk Sari Mikkola, caiju@samediggi.fi da teʹl. 040 588 4062
Sääʹmteeʹǧǧ tåimmjummša vuäitt tobdstõõttâd neʹttaddrõõzzâst www.samediggi.fi
Aanrest 20.4.2025
Sääʹmteʹǧǧ
