Sämitigge ocá raavâdviäsupargee Raavâdviäsu Čaijun

Säämi kulttuurkuávdáš Sajosist Anarist lii raavâdviäsu Čaiju, mii tuáimá kulttuurkuávdáá raavâdviäsun já Saijoos tábáhtusâi já čuákkimij raavâdviäsupalvâlusâi västideijee pyevtitteijen. Raavâdviäsu Čaiju lii áávus argâpeeivij jyehi peeivi já tuáimá peivimäälisraavâdviäsun já kähviviäsun, mutâ uási raavâdviäsu Čaiju piäiválijn pargoin lii čuákkimij já sierâlágánij kulttuurkuávdáást toollâmnáál tábáhtusâi kähvikuásutmij já puurâdmij olášuttem. Raavâdviäsust porgâv fastâ pargokoskâvuođâst piäiválii tooimâst västideijee kokkâ já raavâdviäsupargee.

Raavâdviäsupargee maaŋgâpiäláliih pargoh aneh sistees peivimáállás já kähviviäsupyevtittâsâi mälistem, čuákkim- já tábáhtusfaalâdmijd, äššigâspalvâlem já eres táválijd piäiválijd pargoid raavâdviäsust.

Palvâluskoskâvuođâ tiäđuh

Pargo álgá sopâmuš mield 1.1.2026 já tot lii tuáistáážân vyeimist.

Tooimâ tevdimist nuávdittuvvoo kuuđâ mánuppaje keččâlemäigi.

Pargo pargoo Säämi kulttuurkuávdáš Sajosist, Anarist. Pargoäigi lii iänááš argâpeeivij tme 8–16.

Occest mij vyerdip

Asâttâsân vuáđuduvvee tohálâšvuođâvátámâššân lii pargo vaattâm hiäivulâš škovlim já lasseen váttoo sämikielâ máttu (asâttâs 1727/95). Pargo miänástuvvee hoittám váátá raavâdviäsusyergi škovlimtuáváá, pargohárjánem västideijee pargoin, hygienia- já alkoholpaasâ sehe njyebžilvuođâ já šiev äššigâspalvâlemtááiđuid. Tuárvi pyeri eŋgâlâskielâ táiđu annoo hiättun.

Pälkki

Pälkki miärášuvá Sämitige pälkkivuáháduv vátávâšvuotâtääsi VI/II mield (vuáđupälkki olespargoääigist 2192,12 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulii rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 7.12.2025 räi taan šleđgâlii uuccâmluámáttuv peht (lekkâs uđđâ laasân): Uuccâmluámáttâh

Lasetiäđuid pargoost adelává haldâttâhhovdâ Pia Ruotsala-Kangasniemi, pia.ruotsala@samediggi.fi, puh. 040 726 2688 ja markkânistemhovdâ Oula Guttorm, oula.guttorm@samediggi.fi, puh. 040 575 5332.

Sämitige tooimân puáhtá uápásmuđ nettičujottâsâst www.samediggi.fi

Anarist 7.11.2025
Sämitigge