Máksu- já toimâttemiävtuh

Rekigistem

Päikkieennâm já olgoeennâm tiiláámijn reekkig kalga mäksiđ muuneeld, mon maŋa kirjeh vuolgâttuvvojeh.

Toimâttemvyevih

Tiilám puáhtá viežžâđ Sajosist soppum ääigi teikâ tiilám toimâttuvvoo äššigâsân poostâ peht.

Toimâttemkoloh

Tiilám postâkoloh meriduveh tiilám tiädu mield.

Toimâttemääigih

Toimâttemäigi lii kiddâ tiilájum pyevtittâsâi finniimist. Ráájust orroo pyevtittâsâi toimâttemäigi lii 7 pargopeivid. Eres pyevtittâsâi toimâttemääigih mulsâšuveh. Tiiláámist sáttá šoddâđ maŋgâ toimâttemuási, kuás tiilájum pyevtittâsâin čálloo reekkig ain toimâttemuási häävild.

Jis toimâttem ááiján merhâšitteht, te mij viggâp almottiđ tast ájáttâlhánnáá äššigâsân.

Vääldi huámmášumán toimâttemaaigijd! Mij avžuuttep, ete čoovčâ oppâkirjeh tiilájuvvojeh jo kiđđuv ovdil ko škovlâ nohá, vâi kirjeh kiergâneh ääigild luuhâmpaje aalgân.

Tiilám maasâdkeessim já macâttemvuoigâdvuotâ

Nettikäävpi äššigâsâin lii kulâtteijeesyejilaavâ miäldásâš vuoigâdvuotâ maasâdkeessiđ tiilám teikâ ton uási neljinubálov (14) peeivi keččin pyevtittâs vuástáväldimist. Šleđgâlij materiaalij macâttemlove kalga ain sooppâđ sierâ.

Pyevtittâsâi macâttemčujottâs, ko tiilám kiässoo maassâd:

Škovlim- já oppâmateriaaltoimâttâh/ Sämitigge
Sajos
FI99870 AANAAR

Pyevtittâs kalga leđe kevtihánnáá já vyebdimhiäivulii.

Huám. Pyevtittâs, mon puáhtá luođiđ, annoo palvâlussân, mon ij pyevti maasâdkeessiđ teikâ macâttiđ pyevtittâs luođim maŋa. Koččâmušâst lii nuuvt ettum njuolgâ kulâttem.

Tiiláámân já tooimâtmân lohtâseijee väidimijd puáhtá vuolgâttiđ čujottâsân: kirjatilaus(at)samediggi.fi