Sämitigge ocá aalmugijkoskâsij aašij sierânâsäššitobdee virgesajasii

Sämitige aalmugijkoskâsij aašij sierânâsäššitobdee pargoh láá luvâttâllum Sämitige pargo-oornigist saajeest 51 §. Sierânâsäššitobdee pargon lii ei. valmâštâllâđ sämmilij aalmugijkoskâsii tooimân kyeskee aašijd, toimâđ aalmugijkoskâsij algâaalmug- já EU-aašij lävdikode oovdânpyehten já čällen, paijeentoollâđ, koordinistiđ, vuáváđ já ovdediđ Sämitige aalmugijkoskâsii tooimâ, mieldi luhâmáin Sämitige aalmugijkoskâsii tooimân kyeskee strategia olášuttem, hoittáđ Säämi parlamentaarlii rááđán kyeskee tooimâ, išediđ Sämitige pargovievâ já saavâjođetteijeid aalmugijkoskâsijn pargoin já ohtâvuođâin.

Palvâluskoskâvuođâ tiäđuh

Virgesajasâšvuotâ álgá sopâmuš mield roovvâdmáánust 2026 já pištá aalgâst ive 2026 loopân, máhđulávt kuhheeb-uv ääigi. Máhđulii joođhâst suáppoo sierâ.

Pargo tevdimist nuávdittuvvoo mánuppaje keččâlemäigi.

Aalmugijkoskâsij aašij sierânâsäššitobdee pargo lii Sämitiggeest almos toimâttuvâst. Sämitige toimâsaje lii Säämi kulttuurkuávdáš Sajosist, Anarist. Pargo lii máhđulâš porgâđ uásild káiduspargon.

Occest mij vyerdip

Asâttâsân vuáđuduvvee tohálâšvuođâvátámâššân lii virge vaattâm škovlim já lasseen váttoo sämikielâ mättim (Sämitige pargo-oornig 71 §). Pargo miänástuvvee hoittám váátá šiev sämikulttuur já aalmugijkoskâsij algâaalmugaašij tubdâm, njyebžilis kirjálii já njálmálii olgospyehtim sehe šiev oovtâstpargo- já vuáruvaikuttâstááiđuid. Mij vyerdip meid kiärgusvuođâ jiečânâs porgâmân já šiev ornim- já tedduuhaldâšemnaavcâid. Ruotâ- já eŋgâlâskielâ máttu (kirjálâš já njálmálâš) sehe pargohárjánem aalmugijkoskâsijn pargoin annojeh hiättun.

Pälkki

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 30.9.2026 räi taan uuccâmluámáttuv peht (lekkâs uđđâ laasân):

• Uuccâmluámáttâh

Lasetiäđuid pargoost addel haldâttâhjođetteijee Pia Ruotsala-Kangasniemi puh 010 839 3106.

Sämitige tooimân puáhtá uápásmuđ čujottâsâst www.samediggi.fi

Anarist 11.9.2026
Sämitigge