Sámediggi ohcá álbmogiidgaskasaš áššiid erenoamášáššedovdi virgesadjásačča
Sámediggi almmuha ohcanláhkai álbmogiidgaskasaš áššiid erenoamášáššedovdi virgesadjásašvuođa.
Sámedikki álbmogiidgaskasaš erenoamášáššedovdi barggut leat logahallojuvvon Sámedikki bargoortnega čuoggás 51 §. Erenoamášáššedovdi bargun lea ee. válmmaštallat áššiid, mat gusket sámiid álbmogiidgaskasaš doaimma, doaibmat álbmogiidgaskasaš eamiálbmot- ja EU-áššiid lávdegotti áššemeannudeaddjin ja čállin, bajásdoallat, koordineret, plánet ja ovddidit Sámedikki álbmogiidgaskasaš doaimma, ja maiddái strategiija ollašuhttin, mii guoská Sámedikki álbmogiidgaskasaš doaimma. Bargun lea maid dikšut doaimma, mii guoská Sámi parlamentáralaš ráđi ja veahkehit Sámedikki bargiid ja ságajođiheaddjiid sin álbmogiidgaskasaš doaimmain ja oktavuođain.
Bálvalangaskavuođa dieđut
Virgesadjásašvuohta álgá soahpamuša mielde golggotmánus 2026 ja bistá álggus jagi 2026 lohppii, vejolaččat guhkit áigge. Vejolaš joatkašuvvamis sohppojuvvo sierra.
Barggu deavdimis čuvvojuvvo mánotbaji geahččalanáigi.
Álbmogiidgaskasaš áššiid erenoamášáššedovdi bargu gullá Sámedikkis almmolaš doaimmahahkii. Sámedikki doaibmabáiki lea Sámekulturguovddáš Sajosis, Anáris. Barggu sáhttá bargat oassái gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man virgi eaktuda, ja dasa lassin gáibádussan lea sámegiela máhttu (Sámedikki bargoortnet 71 §). Barggu ceavzilis dikšun eaktuda sámekultuvrra ja álbmogiidgaskasaš eamiálbmotáššiid dovdama, njuovžilis čálalaš ja njálmmálaš ovdanbuktima ja buriid ovttasbargan-ja gulahallandáidduid. Mii vuordit maiddái válmmašvuođa iehčanas bargamii-, buriid organiseren- ja streassagierdannávccaid. Ruoŧa- ja eaŋgalasgiela máhtut (čálalaš ja njálmmálaš) ja bargohárjánupmi álbmogiidgaskasaš bargguin gehččojuvvo ovdun.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 30.9.2026 dán elektrovnnalaš ohcamušskovi bokte (rahpasa ođđa lássii):
Lassidieđuid barggus addá hálddahusjođiheaddji Pia Ruotsala-Kangasniemi, tel. 010 839 3106.
Sámedikki doibmii sáhttá oahpásmuvvat čujuhusas www.samediggi.fi
Anáris 11.9.2026
Sámediggi
