Sämitigge ocá sämi-iäláttâsâi já eennâmkevttim eromâšäššitobdee virgesajasii

Sämitige sämi-iäláttâsâi já eennâmkevttim eromâšäššitobdee pargoh láá luvâttâllum Sämitige pargo-oornigist saajeest 50 §. Eromâšäššitobdee pargon lii ei. valmâštâllâđ sämmilij iäláttâssáid já toi oovdedmân lohtâseijee aašijd väldimáin huámmášumán sämmilij ärbivuáválii tiäđu, valmâštâllâđ jieijâs toimâsyergi uásild sämmilij päikkikuávlu eennâmkevttimân lohtâseijee já vaikuttâsâi peeleest toos ulâtteijee aašijd sehe toimâđ iäláttâs- já vuoigâdvuođâlävdikode oovdânpyehten.

Palvâluskoskâvuođâ tiäđuh

Virgesajasâšvuotâ álgá sopâmuš mield nuuvt jotelávt ko máhđulâš. Virgesajasâšvuotâ pištá roovvâdmáánu 2027 räi.

Tooimâ tevdimist nuávdittuvvoo kuuđâ mánuppaje keččâlemäigi.

Sämi-iäláttâsâi já eennâmkevttim eromâšäššitobdee pargo lii Sämitiggeest almos toimâttuvâst. Sämitige toimâsaje lii Säämi kulttuurkuávdáš Sajosist, Anarist. Pargo lii máhđulâš porgâđ uásild káiduspargon.

Occest mij vyerdip

Asâttâsân vuáđuduvvee tohálâšvuođâvátámâššân lii virge vaattâm škovlim já lasseen váttoo sämikielâ máttu (asâttâs 1727/95).  Pargo miänástuvvee hoittám váátá sämikulttuur já ärbivuáválii tiäđu tubdâm, šiev sämi-iäláttâsâi já sämikuávlu tubdâm, hárjánem haaldâtlijn pargoin sehe šiev ráđádâllâm- já oovtâstpargotááiđuid. Mij vyerdip njyebžilis kirjálii tááiđu, tááiđu porgâđ jiečânávt já meid šiev organisistem- já streesihaldâšemnaavcâid

Pälkki

Pälkki miärášuvá Sämitige pälkkivuáháduv vátávâšvuotâtääsi IV/II mield (vuáđupälkki 2998,97 eurod/mp). Vuáđupäälhi lasseen máksojeh 24 % sämikuávlu lase sämmilij päikkikuávlust porgâdijn já pargohárjánem mield miärášuvvee hárjánemlaseh.

Uuccâm

Uuccâmluámáttuv, sehe rijjâtátulâš rijjâhámásii uuccâmreeivâ sehe máhđulii ánsuluvâttâllâm já eres lahtosijd kalga toimâttiđ Sämitige čäällimkoodán majemustáá 27.5.2026 räi taan uuccâmluámáttuv peht (lekkâs uđđâ laasân):

• Uuccâmluámáttâh

Lasetiäđuid pargoost addel haldâttâhhovdâ Pia Ruotsala-Kangasniemi puh 010 833 106.

Sämitige tooimân puáhtá uápásmuđ čujottâsâst www.samediggi.fi

Anarist 13.5.2026
Sämitigge