Sámediggi ohcá sámeealáhusaid ja eanangeavaheami spesiálaáššedovdi virgesadjásačča
Sámediggi almmuha ohcanláhkai sámeealáhusaid ja eanangeavaheami spesiálaáššedovdi virgesadjásašvuođa.
Sámedikki sámeealáhusaid ja eanangeavaheami spesiálaáššedovdi barggut leat logahallojuvvon Sámedikki bargoortnega čuoggás 50 §. Spesiálaáššedovdi bargun lea ee. válmmaštallat sámiid ealáhusaide ja daid ovddideapmái gullevaš áššiid, nu ahte vuhtiiváldá sámiid árbedieđu, válmmaštallat iežas doaibmasuorggi oasil sámeguovllu eanangeavaheami guoskevaš ja váikkuhusaid dáfus dohko olli áššiid ja maiddái doaibmat eáláhus- ja vuoigatvuohtalávdegotti áššemeannudeaddjin.
Bálvalangaskavuođa dieđut
Bargu álgá soahpamuša mielde nu jođánit go vejolaš. Virgesadjásašvuohta bistá golggotmánnui 2027.
Doaimma deavdimis čuvvojuvvo guđa mánotbaji geahččalanáigi.
Sámeealáhusaid ja eanangeavaheami spesiálaáššedovdi bargu gullá Sámedikki almmolaš doaimmahahkii. Sámedikki doaibmabáiki lea Sámekulturguovddáš Sajosis, Anáris. Barggu sáhttá bargat oassái gáiddusin.
Ohccis vurdojuvvo
Seađusvuđot gelbbolašvuođagáibádussan lea skuvlejupmi, man virgi eaktuda, ja dasa lassin gáibádussan lea sámegiela máhttu (ásahus 1727/95). Barggu ceavzilis dikšun eaktuda sámekultuvrra ja árbedieđu dovdamuša, buori sámeealáhusaid ja sámeguovllu dovdamuša, hárjánumi hálddahuslaš bargguin ja buriid ovttasbargo- ja ráđđádallandáidduid. Mii vuordit njuovžilis čálalaš gulahallama, iehčanas bargovuogi, buriid organiseren- ja streassagierdannávccaid.
Bálká
Bálká mearrašuvvá Sámedikki bálkávuogádaga gáibádusdási IV/II mielde (vuođđobálká 2998,97 euro/mb). Vuođđobálkká lassin máksojuvvojit 24 % sámeguovllu lassi, go bargá sámiid ruovttuguovllus, ja ahkelasit bargohárjánumi mielde.
Ohcan
Ohcamušskovi, ja friijahápmásaš eaktodáhtolaš ohcanreivve ja vejolaš ánsologahallama ja eará čuvvosiid galgá doaimmahit Sámedikki čállingoddái maŋimustá 27.5.2026 dán elektrovnnalaš ohcamušskovi bokte (rahpasa ođđa lássii):
Lassedieđuid barggus addá hálddahusjođiheaddji Pia Ruotsala-Kangasniemi, tel. 010 833 106.
Sámedikki doibmii sáhttá oahpásmuvvat čujuhusas www.samediggi.fi
Anáris 13.5.2026
Sámediggi
