Säminuorâi taaiđâtábáhtus uárnejuvvoo 50. tove - juhleposter rähtee Iänuduvâst

Säminuorâi taaiđâtábáhtus lii áinoošlajâsâš, siärvuslâš tábáhtus, mii puáhtá uáinusân sämipárnái já -nuorâi taiđuu. Kuávdááh huksejeh tábáhtus raamijd, párnááh já nuorah ton siskáldâs. Taaiđâtábáhtus lii macâttum vuod tábáhtussân, mii jotá sämmilij päikkikuávlust, já taan ive tot uárnejuvvoo vyesimáánu 19. peeivi Kärigâsnjaargâst.

Jo aaibâs taaiđâtábáhtus aalgâst uárnejeijeeh láá halijdâm hästiđ sämipárnáid já -nuorâid fáárun taiđâlii vuáváámân já olgospyehtimân. Ohtâ toimâvyehi, mii váldá párnáid já nuorâid fáárun vuáváámân, lii lamaš koveiävtuttâs rähtim taaiđâtábáhtus posterân. Poster lii kuávdáš uási tábáhtus viestâdmist já kooveest lii merhâšittee rooli ton rähtei, uásálisteid já meid tieđeetmân. Poster koolgâi  kuvviđ tábáhtus luándu já nuorâi siärvuslâšvuođâ taiđuu ivnáás tábáhtusâst.

Tekniik rähtee uážui jieš valjiđ já ohtsis love iävtuttâssâd pottii. Tain ive 2026 taaiđâtábáhtus posterin väljejui iänuduvlii 5. -luokkalii Elli Kotavuopio ivnáás, tusijguin sargum kove. Kove lii kirjáá já heivee pyereest kuvviđ Säminuorâi taaiđâtábáhtus, mii lii tegu hervâpadijguin rahtum stuárráb tyeji. Jyehi ive nuorah lasetteh uđđâ hervâpäädi sämipárnái já -nuorâi taaiđâmaailmân. Kotavuopio palhâšuvvoo taaiđâmaterialpakettijn.

Lasetiäđuh

Minna Lehtola
044 902 9295
minna.lehtola@samediggi.fi

Petra Biret Magga-Vars
040 732 5503
petra.magga@samediggi.fi

Tarja Porsanger
050 569 6065
tarja.porsanger@samediggi.fi