Uuccâmalmottâs: Staatâtoorjâ sämikielâlii arâšoddâdem ornim várás
Sämitigge almoot uuccâmnáál staatâtorjuu sämikielâlii arâšoddâdem orniimân sämmilij päikkikuávlust.
Máttááttâs- já kulttuurministeriö lii mieđettâm Sämitiigán 240 000 eurod sämikielâlii arâšoddâdem turviimân. Meriruttâ kuáská sämikielâlii arâšoddâdmân, mii uárnejuvvoo sämmilij päikkikuávlust (Aanaar, Ucjuv, Iänuduv kieldah já Suáđigil kieldâ taveuási).
Sämitigge tuáimá staatâtoorjâvirgeomâhâžžân Sämitiggelaavâ (414/2025) mield. Sämitige pargo-oornig mield arâšoddâdemlävdikodde meerrid staatâtorjuu jyehimist. Sämitige miärádâsân ruuđâi kiävtust jieijâs tooimân ij uážu uuccâđ nubástus väidimáin. Sämitige mieđettem torjuid heiviittuvvoo staatâtoorjâlaahâ (688/2001).
Torjuu tárguttâs
Mieđettum staatâtorjuin ovdeduvvoo arâšoddâdemlaavâ uulmij olášume. Párnáá vuoigâdvuođâst arâšoddâdmân já ton uulmijn asâttuvvoo arâšoddâdemlaavâst (540/2018). Laavâ 8 § 1 moomeent mield kieldâ kalga huolâttiđ tast, ete páárnáš puáhtá finniđ arâšoddâdem párnáá eenikiellân orroo suomâ- tâi ruotâkielân tâi säämi kielâlaavâ (1086/2003) 3 § 1 saajeest uáivildum sämikielân. Säämi kielâlaavâ 3 § 1 saje mield sämikielâ uáivild anarâškielâ, nuorttâlâškielâ tâi orjâlâškielâ kevttum kielâ tâi válduášálii čuosâttâhjuávhu mield.
Uuccâmtohálâšvuotâ
Torjuu pyehtih uuccâđ sämmilij päikkikuávlu kieldah, moh uárnejeh arâšoddâdem, mii lii uáivildum párnáid, kiäh sárnuh sämikielâ eenikiellân.
Uuccâm
Ucâmušâid kalga toimâttiđ Sämitiigán šleđgâpostáin čujottâsân: info@samediggi.fi
Ucâmušah kalgeh leđe vuástáväldest majemustáá 30.6.2026 tme 16.
Sämmilii arâšoddâdem ruttâdemvuáđustâsah
Uuccâmluámáttuvah láá toimâttum sämikuávlu kieldáid, moh uárnejeh arâšoddâdem.
Lasetiäđuh:
Lasetiäđuid addel:
Niina Aikio-Siltala
Sämmilii arâšoddâdem pedagogiik sierânâsäššitobdee
niina.aikio-siltala@samediggi.fi / 040 487 5414
