Ohcanalmmuhus: Stáhtadoarjja sámegiel árrabajásgeassima ordnemii
Sámediggi almmuha ohcanláhkai stáhtadoarjaga sámegiel árrabajásgeassima ordnema várás sámiid ruovttuguovllus.
Oahpahus- ja kulturministeriija lea juolludan Sámediggái 240 000 euro sámegiel árabajásgeassima sihkkarastima várás. Mearreruhta guoská sámiid ruovttuguovllus (Anára, Ohcejoga, Eanodaga gielddaid ja Soađegili gieldda davvioasi) ordnejuvvon sámegiel árabajásgeassima.
Sámediggi doaibmá stáhtadoarjjaeiseváldin Sámediggelága (414/2025) mielde. Sámedikki bargoortnega mielde árrabajásgeassinlávdegoddi mearrida stáhtadoarjaga juohkimis. Sámedikki mearrádussii ruđaid geavaheamis iežas doibmii ii oaččo ohcat nuppástusa váidimiin. Sámedikki mieđihan doarjagiidda heivehuvvo stáhtadoarjjaláhka (688/2001).
Doarjaga ulbmil
Juolluduvvon stáhtadoarjagiin ovddidit árabajásgeassinlága mihttomeriid ollašuvvama. Máná vuoigatvuođas árrabajásgeassimii ja dan mihttomeriin ásahuvvo árrabajásgeassinlágas (540/2018). Lága 8 § 1 momeantta mielde gielda galgá fuolahit das, ahte mánná sáhttá oažžut árrabajásgeassima máná eatnigillii suomagielain dahje ruoŧagielain dahje sámi giellalága (1086/2003) 3 § 1 čuoggás dárkkuhuvvon sámegielain. Sámi giellalága 3 § 1 čuoggá mielde sámegielain oaivvilduvvo anáraš-, nuortalaš- dahje davvisámegiella geavahuvvon giela dahje váldočuozáhatjoavkku mielde.
Ohcangelbbolašvuohta
Doarjaga sáhttet ohcat sámiid ruovttuguovllu gielddat, mat lágidit sámegiela eatnigiellan hálli mánáide oaivvilduvvon árrabajásgeassima.
Ohcan
Ohcamušaid galgá doaimmahit Sámediggái e-poasttain čujuhussii: info@samediggi.fi
Ohcamušat galget ollet maŋimustá 30.6.2026 dii. 16.
Sámi árrabajásgeassima ruhtadanvuođuštusat
Ohcanskovit leat doaimmahuvvon sámeguovllu gielddaide, mat lágidit árrabajásgeassima.
Lassidieđut
Lassidieđuid addá:
Niina Aikio-Siltala
Sámi árrabajásgeassima pedagogihka áššedovdi
niina.aikio-siltala@samediggi.fi / 040 487 5414
